قارجىلىق مونيتورينگ اگەنتتىگى باس پروكۋراتۋرانىڭ ۇيلەستىرۋىمەن تۇتىنۋ كووپەراتيۆىنىڭ اتىن جامىلعان «Asar Baspana» قارجى پيراميداسىنىڭ زاڭسىز قىزمەتىن توقتاتتى, دەپ حابارلايدى Egemen.kz.
قارجى مونيتورينگ اگەنتتىگى ءباسپاسوز قىزمەتىنىڭ حابارلاۋىنشا, قارجى پيراميداسىن ۇيىمداستىرۋشىلار سالىمشىلارعا جىلجىمايتىن م ۇلىكتى, كولىك قۇرالدارىن, سونداي-اق تۇرمىستىق ونىمدەردى (بيولوگيالىق بەلسەندى قوسپالار, اس ءۇي ىدىستارى, كوسمەتيكا, تۇرمىستىق حيميا جانە باسقا دا تاۋارلار) ساتىپ الۋ ءۇشىن قاراجات سالۋدى ۇسىنعان, ال قارىمىنا اي سايىن سالىنعان سومانىڭ 30% - نا دەيىن پايدا تابۋعا ۋادە بەرگەن.
«كومپانيالاردىڭ كەڭسەلەرىندە جانە كۇدىكتىلەردىڭ تۇرعىلىقتى جەرى بويىنشا جۇرگىزىلگەن ءتىنتۋ بارىسىندا 1,2 ملرد تەڭگەدەن استام سومادا قولما-قول اقشا جانە ىشىندە پرەميۋم كلاستى كولىكتەر بار 13 اۆتوماشينا تاركىلەندى. ەكى قارجىلىق پيراميدا ۇيىمداستىرۋشىسى ۇستالىپ, ولارعا قاتىستى سوت ەكى اي مەرزىمگە قاماۋعا الۋ تۇرىندەگى ءىس-شارا سانكتسيالادى», دەلىنگەن حابارلامادا.
سوتقا دەيىنگى تەرگەۋ جالعاسۋدا. قر قىجك-ءنىڭ 201-بابىنا سايكەس وزگە اقپارات جاريا ەتۋگە جاتپايدى.