اتىراۋ وبلىسىندا شارۋا قوجالىعى اۋىل شارۋاشىلىعى ماقساتىنداعى 100 گەكتار جەر تەلىمىن يگەرمەگەن. سوعان بايلانىستى ايىپپۇل سالىنىپ, جەر تەلىمى ءماجبۇرلى تۇردە قايتارىلدى.
جەر رەسۋرستارىن باسقارۋ كوميتەتىنىڭ مالىمەتىنشە, 100 گەكتار جەر تەلىمى ماحامبەت اۋدانىندا ورنالاسقان.
«اتىراۋ وبلىسىندا جەر رەسۋرستارىن باسقارۋ دەپارتامەنتى اتىراۋ كولىك پروكۋراتۋراسىنىڭ قىزمەتكەرلەرى مەملەكەت يەلىگىندەگى جەردى زاڭسىز پايدالانۋدىڭ بىرقاتار فاكتىلەرىن انىقتادى. اتاپ ايتقاندا, «ك» شارۋا قوجالىعىنا ماحامبەت اۋدانىندا ورنالاسقان 100 گەكتار ۋچاسكەنى يگەرۋ تۋرالى نۇسقاما بەرىلدى. نۇسقامانىڭ ورىندالماۋىنا بايلانىستى جەر ۋچاسكەسى جەر كودەكسىنىڭ 94-بابىنا سايكەس ءماجبۇرلى تۇردە الىندى. شارۋا قوجالىعى اكىمشىلىك قۇقىق بۇزۋشىلىق تۋرالى كودەكسىنىڭ 136-بابىمەن اكىمشىلىك جاۋاپكەرشىلىككە تارتىلىپ, 2,6 ملن تەڭگەنىڭ ايىپپ ۇلى سالىندى», دەپ حابارلادى كوميتەتتىڭ ءباسپاسوز قىزمەتى.