قر باس پروكۋراتۋراسى ۇيىمداسقان قىلمىستىق توپتىڭ قۇرامىندا قورقىتىپ الۋ جانە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا قازاقستان ازاماتىن رەسەي فەدەراتسياسىنان ەكستراديتسيالادى, دەپ حابارلايدى Egemen.kz.
باس پروكۋراتۋرانىڭ حابارلاۋىنشا, بۇرىن سوتتالعانداردان قۇرالعان بۇل توپ 2022-2023 جىلدار ارالىعىندا جامبىل وبلىسىنىڭ كاسىپكەرلەرى مەن تۇرعىندارىنا كۇش قولدانىپ, بوپسالاۋ, قارىزدى ءوندىرىپ الۋ جانە قورعانشىلىق كورسەتۋمەن اينالىسقان.
«ۇيىمداسقان قىلمىستىق توپتىڭ جەتەكشىسى جانە مۇشەلەرى قازىرگى تاڭدا ءارتۇرلى مەرزىمگە باس بوستاندىعىنان ايىرىلدى, ال كۇدىكتى قىلمىس جاساعاننان كەيىن جاسىرىنىپ, سوعان بايلانىستى حالىقارالىق ىزدەۋگە جاريالانعان. 2024 جىلدىڭ تامىز ايىندا ول رەسەي فەدەراتسياسىنىڭ امۋر وبلىسىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا وتانىنا ەكستراديتسيالاندى», دەلىنگەن حابارلامادا.
قازىرگى ۋاقىتتا كۇدىكتى تەرگەۋ يزولياتورىنا قامالعان. ايىپتالعان قىلمىستاردى جاساعانى ءۇشىن مۇلكi تاركiلەنiپ, جەتi جىلدان ون بەس جىلعا دەيiنگi مەرزiمگە باس بوستاندىعىنان ايىرۋ تۇرىندەگى جازا قاراستىرىلعان.