پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) باعاسىن تۇراقتاندىرۋ ماسەلەسى بويىنشا كەڭەس وتكىزدى, دەپ جازادى Egemen.kz.
ۇلتتىق ستاتيستيكا بيۋروسىنىڭ مالىمەتىنشە, بيىل قاڭتار ايىندا ازىق-ت ۇلىككە جاتپايتىن تاۋارلاردىڭ جىلدىق ءوسىمى 8,4%-عا, ال قىزمەت كورسەتۋ باعاسى 13,8%-عا كوتەرىلگەن.
سونداي-اق سيىر ەتى (1,2%) مەن كۇنباعىس مايىنىڭ (1,1%) باعاسى وسكەن. ەڭ جوعارى ءوسىمى ۇلىتاۋ (4,8%), اقتوبە (3,8%) جانە شىعىس قازاقستان (2,7%) وبلىستارىندا تىركەلگەن.
باعانى رەتتەۋ ماقساتىندا ايماقتارداعى تۇراقتاندىرۋ قورلارىنان ونىمدەردى ساۋداعا شىعارۋ جالعاستىپ جاتىر. اۋىل شارۋاشىلىعى ۆيتسە-ءمينيسترى ەربول تاسجۇرەكوۆتىڭ ايتۋىنشا, 156,9 مىڭ توننا قوردان تەك 45,4 مىڭ توننا كوكونىس ساتىلعان. كەيبىر وبلىستاردا كوكونىستى ساتۋ قارقىنى بەلگىلەنگەن كولەمنەن تومەن, بۇل باعانىڭ وسۋىنە سەبەپ بولىپ وتىر. ماسەلەن, اباي وبلىسىندا 2,8 مىڭ توننا كارتوپتىڭ تەك 486 تونناسى عانا ساتىلىپ, ناتيجەسىندە باعا 24,2%-عا قىمباتتاعان. كەيبىر وڭىرلەردە ءسابىز, قىرىققابات جانە پياز باعاسىنا قاتىستى وسىنداي جاعداي بايقالادى.
سونداي-اق ول اكىمدىكتەردىڭ مالىمەتىنشە, قاڭتاردىڭ سوڭىندا قوسالقى شارۋاشىلىقتارداعى قوردى ەسەپكە الماعاندا, كارتوپ قورى 327 مىڭ توننانى قۇراعانىن ايتتى. ال, 23 قاڭتار مەن 14 اقپان ارالىعىندا حالىقتىڭ تۇتىنۋ كورسەتكىشى 73,5 مىڭ توننا كولەمىندە بولدى.
«جەكە قوسالقى شارۋاشىلىقتى ەسەپتەمەگەندە, 253,5 مىڭ توننا كارتوپ قورى 2025 جىلدىڭ ەرتە پىسەتىن ءونىمىن العانعا دەيىن حالىقتىڭ ىشكى قاجەتتىلىگىن تولىق جابۋعا مۇمكىندىك بەرەدى», دەدى ەربول تاسجۇرەكوۆ.
سەرىك جۇمانعارين كەڭەسكە قاتىسۋشىلاردىڭ نازارىن ازىق-ت ۇلىك باعاسىن تۇراقتاندىرۋعا باعىتتالعان شارالاردى جەدەلدەتۋ قاجەتتىگىنە اۋداردى. نەگىزگى ماقسات تۇراقتاندىرۋ قورلارىنان ونىمدەردى جەدەل شىعارۋ جانە وڭىرلەر مەن مەگاپوليستەردە اپتا سايىنعى جارمەڭكەلەردى وتكىزۋ.
«باعانىڭ اۋىتقۋى مەن ساتۋداعى قانداي بولماسىن شەكتەۋلەردى بولدىرماۋ ءۇشىن تۇراقتاندىرۋ پۋنكتتەرىندەگى ءونىم باعاسىنداعى ايىرماشىلىقتى جويۋ قاجەت. سونداي-اق كوممۋنالدىق بازارلار مەن ساۋدا جەلىلەرىمەن تىعىز جۇمىس ىستەۋ كەرەك. اقپان-ناۋرىز ايلارىندا تۇراقتاندىرۋ قورلارىنداعى ونىمدەردى ساتۋ جانە ءساۋىر ايىندا جاڭا كوكونىستەردى جەتكىزۋدى قامتاماسىز ەتۋ قاجەت. بۇل اۋىل شارۋاشىلىعى مينيسترلىگى مەن ساۋدا جانە ينتەگراتسيا مينيسترلىگىنىڭ ماۋسىمارالىق كەزەڭدە الەۋمەتتىك ازىق-ت ۇلىك باعاسىنىڭ تۇراقتىلىعىن ساقتاۋ ءۇشىن وڭىرلەرمەن بىرلەسىپ شەشەتىن باستى مىندەتتەرى», دەدى سەرىك جۇمانعارين.