تۇركىستان وبلىسى بويىنشا مەملەكەتتىك كىرىستەر دەپارتامەنتى باسشىلىعى, قالالىق باسقارما ماماندارى ساۋدا سالاسىنداعى كاسىپكەرلەرمەن كەزدەسۋ وتكىزىپ, سالىق زاڭدىلىعىن جان-جاقتى مىسالدارمەن تۇسىندىرگەن ەدى, دەپ جازادى Egemen.kz.
مىنە سول سالىق تولەۋشىلەرمەن قاتار اقساقال-ارداگەرلەر, يمام-مولدالار دا قاتىسقان جيىندا وبلىستىق اقساقالدار القاسىنىڭ توراعاسى جارىلقاسىن ازىرەتبەرگەن ۇلى ساۋدا ورىندارىنىڭ باسشىلارىن الكاگول ونىمدەرىن ساتپاۋعا شاقىردى.
«بۇگىن وزدەرىڭىزبەن اقىلداسۋعا, كەڭەسكەلى كەلگەن اقساقالدار القاسى 2021 جىلدان بەرى ءوڭىرىمىزدى اراق-شاراپتان ادا وبلىسقا, تۇركىستان قالاسىن شىن مانىندەگى رۋحاني استاناعا اينالدىرايىق دەپ ۇندەۋ جاريالاپ كەلەدى. ناجيجەسىندە تۇركىستان وبلىسىندا 51 اۋىل اراق-شاراپ ساتۋدى توقتاتتى. دۇكەندەرىندە ساتپايدى, قۇدالىق, توي, باسقا دا قۋانىشتى جيىندارىن الكاگولسىز وتكىزەدى. ءبىر ساۋران اۋدانىنىڭ وزىندە 10 اۋىل اراقتان ادا اۋىلعا اينالدى. مۇنداي ەلدى مەكەندەردىڭ قاتارى كوبەيەتىنىنە سەنىمىمىز مول. ال, تۇركىستان قالاسىندا 12 سۋپەرماركەت, دۇكەندەر اراق-شاراپ ساتۋدى توقتاتتى. دەگەنمەن وبلىس ورتالىعىندا ءالى دە اراق-شاراپ ساتاتىن سۋپەرماركەتتەر, دۇكەندەر, ساۋدا ورتالىقتارى جەتەرلىك. بىراق, ولاردىڭ ساتۋعا رۇقساتى – ليتسەنزياسى بار, زاڭ قورعايدى. الايدا, ستاتيستيكاعا سۇيەنسەك, ەلىمىزدە قىلمىس تۇرلەرىنىڭ 90 پايىزعا جۋىعى الكاگول ونىمدەرىن تۇتىنۋ سالدارىنان ورىن الادى. ياعني, ادام ولتىرۋگە دەيىنگى اۋىر قىلمىستارعا ساتۋشىلار دا سەبەپكەر بولادى دەگەن ءسوز. وعان كەلتىرەتىن مىسالدار دا جەتكىلىكتى. سوندىقتان, شاڭىراعىمىزدىڭ شىرقىن بۇزاتىن, قوعامدا قىلمىس جاساۋعا يتەرمەلەيتىن وسىنداي كەلەڭسىزدىكتەردى بولدىرماۋ ماقساتىندا ءبىز وبلىس, قالا يمامدارىمەن, اقساقالدارمەن اقىلداسىپ, جاستارمەن دە كەڭەسىپ جۇرگەن جايىمىز بار. سولاي كوپتىڭ قولداۋىمەن, سۇراۋىمەن ارالارىڭىزداعى ليتسەنزياسى بار ساۋدا ورىندارىنىڭ يەلەرىن سپيرتتىك ىشكىلىكتەر ساتپاۋعا شاقىرامىز», دەدى جارىلقاسىن ازىرەتبەرگەن ۇلى.
ايتا كەتەيىك, تۇركىستان قالاسى بويىنشا مەملەكەتتىك كىرىستەر باسقارماسىنىڭ ماماندارى وبلىس ورتالىعىندا جىل باسىنان بەرى زاڭسىز الكوگول ونىمدەرىنە قارسى ساۋدا ورىندارىنا 5 رەيدتىك تەكسەرۋ شاراسىن جۇرگىزگەن. ناتيجەسىندە 40 كاسىپكەرگە شارا كورىلىپ, 33 سالىق تولەۋشىدەن ليتسەنزياسىز سپيرتتىك ىشكىلىكتەردى ساتىلىمعا شىعارعانى ءۇشىن 7379 شولمەك تاركىلەگەن. جالپى جيىنتىعى 6163 ليتر, قۇنى 8 ملن 443 مىڭ 515 تەڭگەنى قۇرايتىن الكوگول ونىمدەرى تۇگەل سوت ورىنداۋشىمەن جويىلىپتى.