ايگىلى سۋرەتشى پابلو پيكاسسونىڭ 1901 جىلى سالىنعان كارتيناسىنان جۇمباق ايەلدىڭ بەينەسى انىقتالدى.
لوندونداعى كۋرتو ونەر ينستيتۋتى عالىمدارىنىڭ ايتۋىنشا, پيكاسسو ءبىر بەينەنى ەكىنشى ءبىر كورىنىسپەن جىمداستىرىپ, «ماتەۋ فەرناندەس دە سوتونىڭ پورترەتى» اتتى تۋىندىسىنا قۇپيا سىر جاسىرعان. ء«بىز كوپتەن بەرى بۇل كارتينانىڭ استارىندا باسقا بەينە بار دەپ كۇدىكتەنىپ جۇرگەنبىز. سەبەبى كەنەپتىڭ بەتىندە كورىنبەيتىن, بىراق سەزىلەتىن ىزدەر مەن تەكستۋرالار بار. كەيىن ءبىز رەنتگەندىك تالداۋ ارقىلى ونىڭ ايەل سۇلباسى ەكەنىن انىقتادىق. بۇل جاڭالىق تەك ءبىر كارتينانىڭ سىرىن اشىپ قانا قويماي, پيكاسسونىڭ شىعارماشىلىق ءادىسىن قايتا زەردەلەۋگە جول اشادى», دەدى كۋرتو گالەرەياسىنىڭ ورىنباسارى بارنابي رايت.