ەلوردادا قازاقستان مەن رەسەي قاۋىپسىزدىك كەڭەستەرىنىڭ اپپاراتتارى اراسىندا كەڭەيتىلگەن جوسپارلى كونسۋلتاتسيالار ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قر قاۋىپسىزدىك كەڭەسىنىڭ حاتشىسى عيزات نۇرداۋلەتوۆ پەن رف قاۋىپسىزدىك كەڭەسىنىڭ حاتشىسى سەرگەي شويگۋ ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
كەزدەسۋ بارىسىندا تاراپتار حالىقارالىق جانە وڭىرلىك قاۋىپسىزدىك سالاسىنىڭ قازىرگى احۋالىن قاراستىرىپ, قاۋىپسىزدىكتى قامتاماسىز ەتۋ ءۇشىن بىرلەسكەن ءىس-قيمىلدى كۇشەيتۋگە قاتىستى قاجەتتى شارالار جونىندە پىكىر الماستى.
سونىمەن قاتار قاۋىپسىزدىك كەڭەستەرىنىڭ اپپاراتتارى اراسىنداعى كونسۋلتاتسيالار قابىلدانعان ىنتىماقتاستىق جوسپارىنا سايكەس تۇراقتى نەگىزدە وتەتىنى اتاپ ءوتىلدى.