قر پارلامەنتى سەناتىنىڭ دەپۋتاتى اليشەر ساتۆالديەۆ مەملەكەت باسشىسى قاسىم-جومارت توقاەۆتىڭ وتاندىق بيزنەس وكىلدەرىمەن كەزدەسۋىندە ايتقان ۇستانىمدارى تۋرالى Facebook الەۋمەتتىك جەلىسىندە پىكىر ءبىلدىردى, دەپ حابارلايدى Egemen.kz.
پرەزيدەنت قاسىم-جومارت توقاەۆ بيزنەس-قوعامداستىق وكىلدەرىمەن كەزدەسۋ بارىسىندا ۇكىمەتكە قوعامدى تولعاندىرىپ جۇرگەن قوسىمشا قۇن سالىعى ماسەلەسىن تاعى دا پىسىقتاۋدى تاپسىردى.
دەپۋتات مەملەكەت باسشىسى بەرگەن تاپسىرمالارداعى نەگىزگى قاعيداتتاردى اتاپ ءوتتى.
«ققس مولشەرلەمەسى حالىقتىڭ الەۋمەتتىك جاعدايىنا قاراي سارالانادى. الەۋمەتتىك ماڭىزى بار تاۋارلار مەن قىزمەتتەرگە تومەن مولشەرلەمە بەلگىلەنەدى. ۇكىمەت شەشىمدى بيزنەس وكىلدەرىمەن, ساراپشىلارمەن جانە دەپۋتاتتارمەن تالقىلاپ, ناقتى ەسەپتەۋلەر نەگىزىندە قابىلداۋى ءتيىس. ققس مولشەرلەمەسى بيزنەس ءۇشىن كەدەرگى بولماي, ەكونوميكانىڭ اشىقتىعىن ساقتاپ, بيۋدجەت كىرىسىن ءتيىمدى تولىقتىرۋى كەرەك. پرەزيدەنت ۇسىنىستاردى ەسكەرە وتىرىپ, ءادىل ءارى وڭتايلى شەشىم قابىلداۋ قاجەتتىگىن اتاپ ءوتتى. بۇل – «حالىق ۇنىنە قۇلاق اساتىن مەملەكەت» قاعيداسىن ءىس جۇزىندە جۇزەگە اسىرۋدىڭ تاعى ءبىر قادامى», دەدى اليشەر ساتۆالديەۆ.