جوعارعى سوتتىڭ قىلمىستىق ىستەر جونىندەگى سوت القاسى سوتتالعان 2 ادامعا قاتىستى قىلمىستىق ءىستى قارادى, دەپ حابارلايدى Egemen.kz.
جوعارعى سوتتىڭ ءباسپاسوز قىزمەتىنىڭ ءمالىم ەتۋىنشە ج. مەن ي. جابىرلەنۋشىنىڭ دەنساۋلىعىنا قاساقانا اۋىر زيان كەلتىرۋ ارقىلى ابايسىزدا ونى ءولتىرىپ العان. قك-ءنىڭ 106-بابىنىڭ 3-بولىگىمەن جانە 389-بابىنىڭ 3-بولىگىمەن ولار كىنالى دەپ تانىلعان جانە ارقايسىسىن 8 جىلعا باس بوستاندىعىنان ايىرۋعا ۇكىم شىققان.
سوت القاسى ءىس ماتەريالدارىن زەردەلەپ, قورىتىندىعا كەلدى.
باستاپقى سوت-مەديتسينالىق ساراپتاماسىنىڭ قورىتىندىسىنا سايكەس, جابىرلەنۋشىنىڭ دەنساۋلىعىنا اۋىر زيان كەلتىرىلگەن, بۇل جاراقاتتار ونىڭ ولىمىنە تىكەلەي بايلانىستى بولعان.
قوسىمشا كوميسسيالىق سوت-مەديتسينالىق ساراپتاماسىنىڭ قورىتىندىسىنا سايكەس, جابىرلەنۋشىنىڭ دەنساۋلىعىنا ورتاشا دارەجەدە زيان كەلتىرىلگەن. ونىڭ ولىمىنە ەمدەلۋدەن باس تارتۋى, مەديتسينالىق كومەككە كەش جۇگىنۋى جانە مەديتسينالىق كومەككە جۇگىنۋ كەزىندە دياگنوستيكانى دۇرىس قويماۋى سەبەپ بولعان. الايدا, جەرگىلىكتى سوتتار تەك باستاپقى سوت-مەديتسينالىق ساراپتاماسىنىڭ قورىتىندىسىن نازارعا العان, بىراق قوسىمشا كوميسسيالىق سوت-مەديتسينالىق ساراپتاماسىنىڭ قورىتىندىسىنا باعا بەرمەگەن, سوتتىڭ ونىمەن كەلىسپەيتىندىگى تۋرالى تۇجىرىمدارى ۇكىمدە ۋاجدەلمەگەن.
ءبىرىنشى ساتىداعى سوت دالەلدەمەلەردە بار قاراما-قايشىلىقتاردى جويماعان, تەكسەرمەگەن جانە ءىستىڭ بارلىق ءمان-جايلارىن تولىق تۇسىندىرمەگەن. بۇل, ءوز كەزەگىندە, سوتتالعان ادامنىڭ كىناسىنە كۇمان كەلتىرەدى.
ودان باسقا, تومەنگى ساتىداعى سوتتار قىلمىستىق-پروتسەستىك زاڭنىڭ نورمالارىن بۇزۋعا جول بەرگەن. سوت تالقىلاۋىنىڭ بارىسىندا پروكۋرور تاعىلعان ايىپتى ونشا اۋىر ەمەس تۇرىنە وزگەرتكەن. بۇدان كەيىن سوت ءىستى قپك-ءنىڭ 323-بابىنا سايكەس پروكۋرورعا قايتارعان. ءىس قايتادان سوتقا تۇسكەن سوڭ جاڭا ايىپتاۋ اكتىسى ءىس بويىنشا جاسالماعان. وسى جاعدايلارعا قاراماستان, سوت اۋىر ايىپ بويىنشا نەگىزسىز ايىپتاۋ ۇكىمىن شىعارعان.
جوعارعى سوت سوندىقتان ادۆوكاتتاردىڭ ءوتىنىش حاتىن قاناعاتتاندىرىپ, جەرگىلىكتى سوتتاردىڭ سوت اكتىلەرىن بۇزىپ, قپك-ءنىڭ 24-بابىنىڭ ءىس بويىنشا بارلىق ءمان-جايلاردى جان-جاقتى, تولىق جانە وبەكتيۆتى زەرتتەۋ, ايىپتاۋ جانە قورعاۋ تاراپىنىڭ دالەلدەرىن تەكسەرۋ تۋرالى تالاپتارىن ورىنداۋ ءۇشىن ءىستى جاڭادان سوت قاراۋىنا جولدادى.