مۇنداي باستامانى ءماجىلىس دەپۋتاتى مۇرات ابەنوۆ كوتەرگەن, دەپ جازادى Egemen.kz.
زاڭعا تۇزەتۋ ەنگىزىلسە قىز الىپ قاشقاندار 3 - 5 جىلعا دەيىن باس بوستاندىعىنان ايىرىلۋى مۇمكىن. قازىر ۇسىنىس قىلمىستىق كودەكستى وڭتايلاندىرۋ جونىندەگى جۇمىس توبىندا قارالىپ جاتىر.
«جاۋاپكەرشىلىكتىڭ ءارتۇرلى دارەجەسى, ونىڭ ىشىندە قىلمىستىق جاۋاپكەرشىلىك تە بار. ماسەلەن, باس بوستاندىعىنان ايىرۋ, ايىپپۇلدار, قوعامدىق جۇمىستار جاعدايعا بايلانىستى سارالانادى. كامەلەتكە تولماعان ادامعا قاتىستى ءبىر توپ ادامنىڭ ارەكەتى انىقتالسا, قانداي دا ءبىر زيان كەلتىرىلسە, ءتيىستى جاۋاپكەرشىلىك ۇسىنىلعان. سول سياقتى بىرەۋدى ءوز ەركىنەن تىس الىپ قاشىپ, ۇيىندە ۇستاسا, پسيحولوگيالىق جانە فيزيكالىق قىسىم كورسەتسە, زاڭ جابىرلەنگەن ادام جاعىندا بولۋى كەرەك», دەدى مۇرات ابەنوۆ.