پرەمەر-مينيستر ولجاس بەكتەنوۆ مەملەكەت باسشىسىنىڭ بيىلعى 28 قاڭتاردا وتكەن ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ىسكە اسىرۋ ماسەلەلەرى بويىنشا كەڭەس وتكىزدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
جيىندا ولجاس بەكتەنوۆ الداعى كەزەڭدەگى جۇمىستىڭ باستى باعىتى ازاماتتاردىڭ تۇرمىس ساپاسىن جاقسارتۋعا باعىتتالعان ەكونوميكانىڭ ءوسۋىن قامتاماسىز ەتۋ ەكەنىن اتاپ ءوتتى. ۇكىمەت بارلىق باعىت بويىنشا جەدەل شەشىمدەردى قابىلداپ, پرەزيدەنت تاپسىرمالارىنىڭ ۋاقتىلى ىسكە اسىرىلۋىن قامتاماسىز ەتەتىن بولادى.
ء«بىز ينۆەستيتسيالاردى تارتۋ, سالىق-بيۋدجەت ساياساتىن جانە جەر قويناۋىن پايدالانۋ سالاسىن رەفورمالاۋ, ەلىمىزدىڭ باسەكەلەستىك ارتىقشىلىقتارىن كۇشەيتۋ, ىسكەرلىك احۋالدى جاقسارتۋ, ينفراقۇرىلىمدىق جانە ەنەرگەتيكالىق دامۋ, تسيفرلاندىرۋدىڭ تۇتاس جۇيەسىن جانە حالىقتى الەۋمەتتىك قامسىزداندىرۋ جۇيەسىن قايتا قاراۋ باعىتىندا بەلسەندى جۇمىس ىستەۋىمىز كەرەك. ول ءۇشىن ۇكىمەتتە وكىلەتتىكتەر جەتكىلىكتى. مينيسترلەر مەن اكىمدەر جەدەل شەشىمدەر قابىلداۋعا جانە قويىلعان مىندەتتەردى ىسكە اسىرۋعا تولىق جاۋاپتى بولۋعا ءتيىس», دەدى ۇكىمەت باسشىسى.
پرەمەر-ءمينيستردىڭ ايتۋىنشا, مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا ايتقان ءاربىر باعىت بويىنشا ناقتى ناتيجە قاجەت.
ينۆەستورلاردىڭ ناقتى ماسەلەلەرىن شەشۋمەن اينالىسىپ, اۋرە-سارساڭعا سالماي, كەرىسىنشە – كاسىپكەرلەردىڭ كەلۋىنە, دامۋىنا, زاۋىتتار, كاسىپورىندار, وندىرىستەر سالۋىنا كومەكتەسۋ كەرەك. ءاربىر باسشى مۇنى ءوز جۇمىسىنىڭ باستى قاعيداتى دەپ ءبىلۋى ءتيىس. تەك ناقتى جۇمىس قاجەت. ەسكى, بيۋروكراتيالىق جۇمىس ادىستەرىن, ءفورماليزمدى قولدانا وتىرىپ, جاڭا جاعدايلاردا وڭ ناتيجەگە قول جەتكىزۋ مۇمكىن ەمەس. مەملەكەتتىك ورگاندارعا مەملەكەت باسشىسى جۇكتەگەن مىندەتتەردى ساپالى ورىنداۋعا كوڭىل ءبولۋدى, باسى ارتىق قاعازباستىلىقسىز جانە كوپكە سوزباي باتىل شارالار قابىلداۋدى تاپسىرامىن. ءبىزدىڭ بارىمىزدەن ناقتى ناتيجە كۇتىپ وتىر», دەدى ولجاس بەكتەنوۆ.
ولجاس بەكتەنوۆ بيۋدجەتتىك ءتارتىپتى قاتاڭ نىعايتۋعا جانە مەملەكەتتىك بيۋدجەتتى باسىم باعىتتار بويىنشا تەڭگەرىمدى بولۋگە باسا نازار اۋدارا وتىرىپ, جۇمىستىڭ ءبىرىنشى كەزەكتەگى بىرقاتار باعىتىنا نازار اۋداردى.