پرەزيدەنت قاسىم-جومارت توقاەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا ەل دامۋىنىڭ باسىم باعىتتارى بەلگىلەندى. مەملەكەت باسشىسى ۇلتتىق بانك پەن ۇكىمەتكە بىرلەسكەن كۇش-جىگەرمەن ينفلياتسيانى تەجەۋدى جانە تەڭگەنىڭ تۇراقتىلىعىن قامتاماسىز ەتۋدى تاپسىردى.
ەكونوميكانى ءارتاراپتاندىرۋ جونىندەگى قىزمەتتى كۇشەيتۋ قاجەتتىلىلىگى دە پرەزيدەنت نازارىنان تىس قالمادى. بۇل ءۇشىن, اتاپ ايتقاندا, ۇكىمەت پەن اكىمدەرگە وڭىرلەردەگى جانە جەتەكشى قالالارداعى قايتا وڭدەۋ كاسىپورىندارىنىڭ قۇرىلىس دەڭگەيىن ارتتىرۋ, قايتارىلاتىن اكتيۆتەردى ءىرى ونەركاسىپتىك جوبالاردى ىسكە قوسۋ مۇددەسىندە پايدالانۋ جانە ورتا بيزنەس سۋبەكتىلەرى اراسىنان كوشباسشى كومپانيالار توبىن قالىپتاستىرۋ تاپسىرىلدى. بۇل ءوز كەزەگىندە بيلىكتىڭ بارلىق دەڭگەيدەگى بيزنەس-قوعامداستىقپەن ءوزارا ءىس-قيمىلىن كەڭەيتۋدى تالاپ ەتەدى.
قازاقستان ءۇشىن جاڭارتىلعان جانە ءتيىمدى شارتتاردى ۇزارتۋ ماسەلەلەرى بويىنشا جەتەكشى ينۆەستورلارمەن كەلىسسوز جۇرگىزۋ قاجەتتىگىنە نازار اۋدارىلدى. سول ارقىلى قاراشىعاناق, قاشاعان, تەڭىز جانە باسقا دا مۇناي-گاز كەن ورىندارىن يگەرۋگە قاتىساتىن شەتەلدىك كومپانيالارعا ولارمەن قارىم-قاتىناستا ۇكىمەتتىڭ ەلىمىزدىڭ ۇلتتىق مۇددەسىن باسشىلىققا الاتىنى تۋرالى ناقتى بەلگى بەرىلدى. ولاردىڭ ودان ارعى قىزمەتى كوبىنە ءتيىستى «ويىن ەرەجەلەرىن» قابىلداۋعا قانشالىقتى دايىن ەكەنىنە بايلانىستى بولادى.
پرەزيدەنتتىڭ ەكىنشى دەڭگەيدەگى جەكەلەگەن بانكتەرگە جانە ولاردىڭ يەلەرىنە 2017-2020 جىلدارى قولداۋ رەتىندە العان قارجىسىن مەملەكەتكە قايتارۋعا قاتىستى ناقتى تالاپ قويدى. وسىلايشا, مەملەكەتتىڭ وليگارحتارمەن قارىم-قاتىناسىندا جاڭا «ويىن ەرەجەلەرىنىڭ» بەتالىسى بايقالىپ قالدى.
بارلىق مەملەكەتتىك ورگان مەن ولاردىڭ لاۋازىمدى تۇلعالارىنىڭ ازاماتتارمەن ءوزارا ءىس-قيمىل دەڭگەيىن ارتتىرۋ جانە تەتىكتەرىن جەتىلدىرۋ قاجەتتىلىگى دە تاعى ەسكەرتىلدى. سونداي-اق پرەزيدەنت كەيبىر مينيسترلەردى عانا اۋىستىرۋمەن شەكتەلىپ, ۇكىمەتكە ءوز جۇمىسىن اعىمداعى قۇرامدا جالعاستىرۋعا كارت-بلانش بەردى.
اندرەي چەبوتارەۆ,
«التەرناتيۆا» وزەكتى زەرتتەۋلەر ورتالىعىنىڭ ديرەكتورى