وتاندىق ون فيلم

اتاپ ايتساق, 2011 جىلى تارازداعى تەرراكتىدە قازا تاپقان عازيز بايتاسوۆقا ارنالعان «كاپيتان بايتاسوۆ» كينوكارتيناسى بار. سونداي-اق لۋدومانيا تاقىرىبىن قوزعايتىن «يگرومانكا» جوباسى دا قوعامنىڭ كەسەلىن اشىپ كورسەتەدى. ال «90+1» ءفيلمى جاستاردىڭ سالاماتتى ءومىر سالتىن ۇستانۋعا جانە سپورتقا دەگەن قۇلشىنىسىن وياتادى. بۇدان بولەك «وسەنني بريز», «فەيكوۆىي ارمان», «Qaitadan», «تەزەك», «قارا قىز», «التىن ادام», «اروماتنوە سەردتسە» جانە ء«ابىل» فيلمدەرى كينوتەاترلارعا ۇسىنىلادى.

«كينو – جاي عانا ونەر ەمەس, ۇلتتىق يدەولوگيانى قالىپتاستىراتىن قۇرالدىڭ ءبىرى. مەملەكەت قارجىسىنا تۇسىرىلگەن كينودا, ەڭ الدىمەن, قوعامعا قاجەتتى قۇندىلىقتار دارىپتەلۋگە ءتيىس. بۇعان دەيىن پرەزيدەنت قاسىم-جومارت توقاەۆ تا كينووندىرىستى مادەنيەتتىڭ ءبىر بولىگى عانا ەمەس, ەكونوميكانىڭ جەكە تارماعى رەتىندە قاراستىرۋدى تاپسىردى. كينونى دامىتۋ ءۇشىن جاڭاشا كوزقاراس, تىڭ سەرپىن قاجەتتىگىن العا تارتتى. ءتۇسىرىلىم بارىسىندا وسى دۇنيەلەردىڭ بارلىعى ەسكەرىلدى. قولعا الىنعان جوبالار كورەرمەن كوڭىلىنەن شىعادى دەگەن ويدامىز», دەدى ۇلتتىق كينونى قولداۋ ورتالىعىنىڭ باسقارما توراعاسى قۇرمانبەك جۇماعالي.

كينو ورتالىعى ناۋرىز ايىنىڭ باسىندا جاڭا كينوجوبالار كونكۋرسى جاريالاناتىنىن دا حابارلايدى. بيىل فيلم تۇسىرۋگە ارنالعان باسىم تاقىرىپتار لەگى جاريالاندى. ونىڭ ىشىندە ەڭ الدىمەن وتانعا دەگەن سۇيىسپەنشىلىك, تاريح, تاعىلىم, ءبىلىم, وتباسى سەكىلدى ماڭىزدى تاقىرىپتار قامتىلعان. بۇعان قوسا جۇمىسشى ماماندىقتارى مەن ەڭبەك ادامدارىنىڭ ەرلىگى دە باسىم تاقىرىپتار قاتارىندا. تولىق ءتىزىمىن كينو ورتالىعىنىڭ رەسمي سايتىنان كورۋگە بولادى.

ايتا كەتۋ كەرەك, وتكەن جىلى مەملەكەتتىك قولداۋعا ۇمىتكەر كينوجوبالاردى ىرىكتەۋ ەرەجەسىنە وزگە­رىس­تەر ەنگىزىلگەن بولاتىن. جاڭا ەرەجەگە سايكەس كونكۋرستىڭ ءبىرىنشى كەزەڭىندە اۋەلى ستسەناريلەر قا­بىلدانىپ, ۇزدىكتەرى ساراپتاما كەڭەسىنىڭ قاراۋىنا جىبەرىلەدى. بۇگىنگى ەسەپپەن قاراساق, كينوگەرلەر ءۇشىن ستسەناري جازۋ, تولىمدى وي قورىتۋعا 2 اي كولەمىندە ۋاقىت بەرىلىپ وتىر.

يۋنۋس وزكان,

ق.ا.ياساۋي ۋنيۆەرسيتەتىنىڭ ستۋدەنتى