قازگيدرومەتتىڭ مالىمدەۋىنشە, اركتيكالىق سۋىق اۋا اعىندارى قازاقستان اۋماعىنا ەنىپ, الداعى ءۇش كۇندە تەمپەراتۋرانىڭ ودان ءارى تومەندەۋى كۇتىلەدى, دەپ حابارلايدى Egemen.kz
23-24 قاڭتار كۇندەرى ەلىمىزدىڭ شىعىس جانە وڭتۇستىك-شىعىس وڭىرلەرىنە سولتۇستىك-باتىس تسيكلونىنىڭ جىراسى اسەرىن ساقتاپ قالادى, بۇل ايماقتاردا قار, كەي جەرلەردە قاتتى قار جاۋادى. ال قالعان اۋماقتا جاۋىن-شاشىنسىز اشىق اۋا رايى كۇتىلەدى.
جالپى ەلدە بۇرقاسىن, ەكپىندى جەل, كوكتايعاق جانە تۇمان بولجانىپ جاتىر
سولتۇستىك وڭىرلەردە تۇندە اۋا تەمپەراتۋراسى 20-30 گرادۋس اياز, كەي جەرلەردە 35 گرادۋسقا دەيىن قاتتى اياز بولادى, كۇندىز 13-20 گرادۋس اياز. ورتالىق پەن شىعىستا تۇندە 20-35 گرادۋس, ال كەيبىر اۋدانداردا 40 گرادۋسقا دەيىن كۇشەيەتىن قاتتى اياز كۇتىلەدى. وڭتۇستىكتە تۇندە 15-25 گرادۋس, كەيبىر جەرلەردە 28 گرادۋسقا دەيىن قاتتى اياز بولادى, كۇندىز تەمپەراتۋرا 5-15 گرادۋس اياز شاماسىندا ساقتالادى.