رەسەي باسشىسى ۆلاديمير پۋتين جاڭادان سايلانعان اقش پرەزيدەنتى دونالد ترامپتى يناۋگۋراتسيامەن قۇتتىقتاپ, ۋكراينا قاقتىعىسى تۋرالى ديالوگ قۇرۋعا اشىق ەكەنىن ايتتى. بۇل تۋراسىندا ول رەسەي فەدەراتسياسىنىڭ قاۋىپسىزدىك كەڭەسىنىڭ مۇشەلەرىمەن جەدەل جينالىستا مالىمدەدى, دەپ جازادى Egemen.kz.
ءپۋتيننىڭ ايتۋىنشا, ماسكەۋ ترامپ جانە ونىڭ كومانداسىنىڭ رەسەيمەن قارىم-قاتىناستى دۇرىستاۋعا باعىتتالعان نيەتىن بايقاپ, ءبىلىپ وتىر. مۇنىڭ الدىنداعى ديالوگ بايدەن اكىمشىلىگىنىڭ قىزمەتتەن كەتۋى سەبەپتى جۇزەگە اسپاي قالعان بولاتىن.
ء«ۇشىنشى دۇنيەجۇزىلىك سوعىستىڭ الدىن-الۋ قاجەتتىلىگى تۋرالى بارلىق مالىمدەمەسى ءبىزدىڭ تاراپقا جەتىپ جاتىر. ءسوزسىز, ءبىز مۇنداي ىقىلاستى قولدايمىز جانە اقش-تىڭ جاڭا سايلانعان پرەزيدەنتىن قىزمەتكە كىرىسۋىمەن قۇتتىقتايمىز», دەدى رەسەي باسشىسى.