يندونەزيانىڭ مونوپولياعا قارسى اگەنتتىگى Google كومپانياسىن Google Play دۇكەنىنىنىڭ تولەم جۇيەسى قىزمەتتەرىنە قاتىستى ادىلەتسىز ىسكەرلىك تاجىريبەسى ءۇشىن شامامەن 202 ميلليارد رۋپيا (12,4 ميلليون دوللار) ايىپپۇل تولەۋگە مىندەتتەدى, دەپ حابارلايدى Egemen.kz Reuters اگەنتتىگىنە سىلتەمە جاساپ.
2022 جىلى Google يندونەزيالىق قولدانبا ازىرلەۋشىلەرىنەن Google Play Billing قىزمەتىن باسقا تولەم جۇيەلەرىنە قاراعاندا جوعارى تاريفتەرمەن پايدالانۋدى تالاپ ەتكەن.
انىقتالعانداي, Google يندونەزيانىڭ مونوپولياعا قارسى زاڭىن بۇزعان. سونداي-اق, Google Play Billing ارقىلى 30%-عا دەيىن الىمدار الىنعانى بەلگىلى بولعان.
ايتا كەتەيىك, Google 280 ميلليون حالقى بار جانە تسيفرلىق ەكونوميكاسى قارقىندى دامىپ كەلە جاتقان ەلدەگى نارىقتىڭ 93 پايىزىن باقىلايدى.
سارسەنبىدە Google وكىلى كومپانيانىڭ شەشىمىنە شاعىم تۇسىرەتىنىن مالىمدەدى.
جالپى, سوڭعى ونجىلدىقتا ەۋروپالىق وداق Google كومپانياسىنا باسەكەلەستىككە قارسى ارەكەتتەرى ءۇشىن 8 ميلليارد ەۋرودان استام (8,3 ميلليارد دوللار) ايىپپۇل سالعان.