حالىقارالىق «قازاق ءتىلى» قوعامى الماتى قالالىق فيليالىنىڭ توراعاسى بولىپ بولات اناپيا ۇلى تىلەپ تاعايىندالدى, دەپ حابارلايدى Egemen.kz.
بولات اناپيا ۇلى – اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باسقارما توراعاسى-رەكتور. مەملەكەتتىك قىزمەتتەردە, ءبىلىم سالاسىندا مول تاجىريبەسى بار بىلىكتى ۇيىمداستىرۋشى.
«جاڭا توراعا الماتى قالالىق فيليالىنىڭ جۇمىسىن جانداندىرىپ, انا ءتىلىمىزدىڭ دامۋىنا ۇلەس قوسادى دەگەن سەنىمدەمىن», دەدى حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلى.
قوعام پرەزيدەنتى ۇزاق جىلداردان بەرى «قازاق ءتىلى» قوعامى الماتى قالالىق فيليالىن باسقارىپ كەلگەن قۇسمان شالاباەۆقا ءتىلىمىزدى وركەندەتۋ جولىنداعى اتقارعان جۇمىسى ۇشىن العىسىن ءبىلدىردى.