قايرات ءساتجانوۆ بيىل بوكسشىلار قاتىساتىن ماڭىزدى جارىستاردى اتادى

31 قاڭتار كۇنى وقۋ-جاتتىعۋ اياقتالعاننان كەيىن قۇرامانىڭ 2-3 ءنومىرلى بوكسشىلارى يسپانياعا اتتانادى. الاكانتا قالاسىندا وتەتىن حالىقارالىق جيىندا قازاق بوكسشىلارىنان بولەك  ۇلىبريتانيا, شوتلانديا, ماجارستان, يسپانيانىڭ بىلعارى قولعاپ شەبەرلەرى جاتتىعادى. جيىننان سوڭ اتالعان ەل سپورتشىلارى حالىقارالىق تۋرنيردە كىم مىقتىنى انىقتايدى. بۇل تۋرالى باس باپكەر قايرات ءساتجانوۆ ايتتى.

ال قۇرامانىڭ 1 - ءنومىرلى بوكسشىلارى 10 اقپان بولگاريانىڭ سوفيا قالاسىندا وتەتىن  ستراندجا تۋرنيرىنە اتتانادى. 

«كوپ ەلدەر وسى جارىسقا ۇزدىك بوكسشىلارىن اكەلەدى. البەتتە, بيىلعى باستى ماقساتىمىز – كۇزدە وتەتىن الەم جانە ازيا چەمپيوناتتارى. بۇل جارىستاردىڭ بارلىعى ءبىزدىڭ باستى ماقساتىمىز, ياعني كەشەندى جارىستارعا دايىندىعىمىزدى شىڭداۋ ءۇشىن كەرەك. بۇل – 2026 جىلى وتەتىن ازيا ويىندارى, 2027 جىلى ءوز ەلىمىزدە جالاۋىن جەلبىرەتەتىن الەم چەمپيوناتى مەن 2028 جىلى وتەتىن لوس-اندجەلەس وليمپياداسى», دەدى قايرات ءساتجانوۆ. 

باس  باپكەردىڭ ايتۋىنشا وسى ارالىقتا قۇراما جىگىتتەرى دە ىرىكتەلەدى. 

«قازىر قاتارعا قوسىلعان تالانتتى جاستار كوپ, ءبىزدىڭ مىندەتىمىز – ەل نامىسىن ابىرويمەن قورعايتىن قۇرامدى ادىلەتتى ىرىكتەۋ جانە بوكسشىلاردى جان-جاقتى اشۋ», دەدى قايرات ءساتجانوۆ.