مەملەكەت قارجىسىن جىمقىرعان مەكتەپ ديرەكتورىنا قاتىستى سوت ۇكىمى شىقتى

سارقان اۋداندىق سوتىنىڭ دەرەگىنشە, 2024 جىلدىڭ 1 ناۋرىزىنان باستاپ مەكتەپ ديرەكتورى ر.-دى كىتاپحاناشى جانە مەملەكەتتىك مەكەمەنىڭ مەنەدجەرى لاۋازىمىنا تاعايىنداعان. ناۋرىزدان ماۋسىم ايىنا دەيىن ر. مەنەدجەرلىگى ءۇشىن الاتىن 40 مىڭ تەڭگە ەڭبەكاقىسىن ب.-نىڭ كەلىنىنىڭ شوتىنا اۋدارىپ وتىرعان. ال بۇل قاراجاتتى ب. ءوز قاجەتىنە جۇمساعان.

– ءىستى قاراۋ بارىسىندا اۋدان پروكۋرورى مەن ايىپتالۋشى اراسىندا, جابىرلەنۋشى وكىلىنىڭ كەلىسىمىمەن, قر قپك-ءنىڭ 616-بابى تارتىبىندە كىنانى مويىنداۋ تۋرالى پروتسەسسۋالدىق كەلىسىم جاسالدى. سوت پروكۋرور ۇسىنعان جازا ءتۇرى مەن كولەمىن, ايىپتالۋشىنىڭ جەكە باسىن, كەلتىرىلگەن زالالدىڭ وتەلگەنىن, جابىرلەنۋشى وكىلىنىڭ جازانىڭ مولشەرىنە قاتىستى پىكىرىن ەسكەرە وتىرىپ, ب.-نى قىلمىستىق كودەكستىڭ 189-بابى 3-بولىگى 2-تارماعىندا كوزدەلگەن قىلمىستىق قۇقىقبۇزۋشىلىقتى جاساعانى ءۇشىن كىنالى دەپ تانىپ, وعان ۇرلانعان م ۇلىك قۇنىنىڭ 10 ەسە مولشەرىندە 1 900 000 تەڭگە كولەمىندە ايىپپۇل سالۋ جانە مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋ جازاسىن تاعايىندادى, – دەدى سارقان اۋداندىق سوتى.