قىزىلوردا وبلىسىنىڭ بارلىق اۋدانىندا پوليتسيا بولىمدەرىنىڭ جەدەل باسقارۋ ورتالىقتارى ىسكە قوسىلدى. كەز كەلگەن قىلمىستىڭ ءىزىن سۋىتپاي اشۋعا سەپتىگىن تيگىزەتىن بۇل جوبا ىشكى ىستەر مينيسترلىگىنىڭ باستاماسىمەن جانە قىزىلوردا وبلىسى اكىمىنىڭ قولداۋىمەن ەلىمىزدە العاش رەت تسيفرلىق مۇمكىندىكتەردى كەڭىنەن قولداناتىن سىر وڭىرىندە جۇزەگە اسىپ وتىر.
بىرەگەي «جەدەل باسقارۋ ورتالىعى» جوباسى اياسىندا ءار اۋدانعا 77 بەينەباقىلاۋ كامەراسى مەن جىلدامدىقتى ولشەگىش 7 قۇرال ورناتىلدى. وسى ارقىلى قوعامدىق ءتارتىپتى بۇزۋ ارەكەتتەرىن انىقتاۋ ايتارلىقتاي وڭايلاي ءتۇستى. بۇل – قوعامدا ءتارتىپ يممۋنيتەتىن كۇشەيتۋگە جول اشاتىن ماڭىزدى قادامنىڭ ءبىرى.
جەدەل باسقارۋ ورتالىقتارى قۇقىق بۇزۋشىلىقتاردىڭ الدىن الۋدان بولەك وقىس جاعدايعا ۇشىراعان ازاماتتارعا دەر كەزىندە كومەك كورسەتۋگە سەپتىگىن تيگىزىپ, جول-كولىك وقيعالارىنىڭ سانىن ازايتۋعا مۇمكىندىك بەرەدى.
وتكەن جىلى وسىنداي كامەرالار كومەگىمەن 138 قىلمىس اشىلىپ, 50 مىڭعا جۋىق اكىمشىلىك قۇقىقبۇزۋشىلىق انىقتالعان.
قىزىلوردا