باتىس قازاقستان وبلىسى جاڭاقالا اۋدانىنىڭ پروكۋراتۋراسى تالداۋ اياسىندا مىندەتتى زەينەتاقى جارنالارىن اۋدارماۋ فاكتىسىن انىقتادى, دەپ حابارلايدى Egemen.kz.
باس پروكۋراتۋرانىڭ حابارلاۋىنشا, 2024 جىلدىڭ قاڭتار-شىلدە ايلارى ارالىعىندا «كوممۋنال» مەملەكەتتىك كاسىپورىنى 28 قىزمەتكەرگە 3 ميلليوننان استام زەينەتاقى جارنالارىن تولەمەگەنى انىقتالعان.
«اتالعان فاكت بويىنشا جاۋاپتى كىنالى تۇلعالاردى جاۋاپكەرشىلىككە تارتا وتىرىپ, قارىزدى وتەۋ شارالارىن قابىلداۋ تۋرالى پروكۋرورلىق قاداعالاۋ اكتىسى ەنگىزىلدى. قاداعالاۋ اكتىسىن قاراۋ ناتيجەلەرى بويىنشا «كوممۋنال» مەملەكەتتىك كاسىپورىنى قازاقستان رەسپۋبليكاسى «اكىمشىلىك قۇقىق بۇزۋشىلىقتار تۋرالى» كودەكسىنىڭ 91-بابىنىڭ 6-بولىگىنىڭ 5-ءشى تارماعىنا سايكەس اكىمشىلىك جاۋاپكەرشىلىككە تارتىلىپ, قارىز تولىعىمەن وتەلدى», دەلىنگەن حابارلامادا.