بيىل «كازاحستانسكايا پراۆدا» رەسپۋبليكالىق گازەتىنىڭ جارىققا شىققانىنا 105 جىل تولىپ وتىر, دەپ جازادى Egemen.kz.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى نۇرتورە ءجۇسىپ گازەتتىڭ مەرەيتويىنا ارنالعان «ۇلكەن جولدىڭ كەزەڭدەرى» عىلىمي-تاجىريبەلىك كونفەرەنتسياسىنا قاتىستى. ول پارلامەنت سەناتىنىڭ توراعاسى ماۋلەن اشىمباەۆتىڭ كونفەرەنتسياعا قاتىسۋشىلارعا, ۇجىمعا جانە گازەت وقىرماندارىنا جولداعان قۇتتىقتاۋىن وقىپ بەردى. سەنات توراعاسىنىڭ قۇتتىقتاۋىندا قازاقستان جۋرناليستيكاسىنداعى ءدال وسى كۇننىڭ ماڭىزىنا توقتالا كەلىپ, ەلىمىزدىڭ اقپاراتتىق كەڭىستىگىن دامىتۋ, قوعامدىق پىكىردى قالىپتاستىرۋ جانە ۇلتتىق مۇددەنى قورعاۋعا قوسقان گازەتتىڭ ۇلەسىن اتاپ ءوتتى.
«كازاحستانسكايا پراۆدا» گازەتى عاسىردان استام ۋاقىت بويى ەل ومىرىندەگى اسا ماڭىزدى وقيعالاردىڭ جارشىسى بولىپ كەلەدى. سىزدەردىڭ ۇجىمدارىڭىز ءاردايىم جوعارى ساپامەن, جاۋاپكەرشىلىكپەن جانە ءجۋرناليستىڭ بيىك مادەنيەتىمەن ەرەكشەلەنە ءبىلدى. «كازاحستانسكايا پراۆدا» – تاۋەلسىز قازاقستاننىڭ قالىپتاسۋ كەزەڭى مەن تاريحي جاڭعىرتۋلار جانە ەلىمىزدىڭ ءوسىپ-وركەندەۋى جولىندا قابىلدانعان ماڭىزدى شەشىمدەر شەجىرە بولىپ قاتتالعان ىرگەلى باسىلىم. گازەت ۇجىمى قازىرگى تسيفرلىق تەحنولوگيا داۋىرىندە دە كاسىبي بىلىكتىلىكتىڭ بيىگىنەن كورىنىپ وتىر. سونداي-اق قوعامنىڭ وزەكتى ماسەلەلەرىنە ءجىتى نازار اۋدارىپ, سەنىمدى اقپارات كوزى رەتىندە ۇلتقا قىزمەت ەتىپ كەلەدى», دەلىنگەن ماۋلەن اشىمباەۆتىڭ قۇتتىقتاۋىندا.
نۇرتورە ءجۇسىپ ءوز كەزەگىندە بۇل كۇن قورىتىندى جاساۋمەن قاتار باسىلىم ۇجىمىن جاڭا كاسىبي بيىكتەرگە قۇلشىندىرۋ مۇمكىندىگىنە اينالىپ وتىرعانىن اتاپ ءوتتى. سەناتور سونداي-اق ءبىزدىڭ ەلىمىزدە جانە ودان تىس جەرلەردە بولىپ جاتقان وقيعالاردى شىنايى جانە جان-جاقتى سارالاي وتىرىپ جاريالايتىن باق وكىلدەرى جۇمىسىنىڭ ماڭىزى تۋرالى ويلارىن ورتاعا سالدى.