استانا قالاسىنىڭ تۇرعىنى مەن ونىڭ قىزىلوردالىق سىبايلاسى 2023-2024 جىلدار ارالىعىندا الدىن الا ءسوز بايلاسۋ ارقىلى زاڭسىز ويىن بيزنەسىن ۇيىمداستىرىپ كەلگەن.
قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتى تاراتقان مالىمەت بويىنشا, ولار ويىن بيزنەسىن Instagram الەۋمەتتىك جەلىسىندەگى «@make_madikow» پاراقشاسى ارقىلى ليتسەنزياسىز جۇزەگە اسىرىپ, 27 473 328 تەڭگەدەن اساتىن تابىس تاپقان.
سوت ۇكىمىمەن م.تالعاتوۆا مەن ت.بۋريكۋلوۆا قازاقستان رەسپۋبليكاسى قىلمىستىق كودەكسىنىڭ 307-بابىنىڭ 3-بولىگىنىڭ 2 تارماعى تالابىنا سايكەس كىنالى دەپ تانىلىپ, 3 جىل 6 اي مەرزىمگە شارتتى تۇردە سوتتالدى.