قاراعاندىدا قازاقستان مەن كسرو حالىق ءارتىسى, قازاقستان مەملەكەتتىك سىيلىعىنىڭ لاۋرەاتى, سوتسياليستىك ەڭبەك ەرى بيبىگۇل تولەگەنوۆانىڭ مەرەيتويىنا ارنالعان «بۇلبۇل ءۇندى بيبىگۇل» اتتى گالا-كونتسەرت ءوتتى, دەپ حابارلايدى Egemen.kz.
مادەني ءىس-شاراعا مەرەيتوي يەسىنىڭ ءوزى قاتىستى.
«مەن ءۇشىن بۇل قالا ەرەكشە ىستىق. بۇكىل اۋىل مەن اۋداندارىن ارالادىم. اۋىل ەڭبەككەرلەرىنە ارناپ كونتسەرت قويدىم. ءتىپتى جەر استىنا ءتۇسىپ, كەنشىلەرگە دە ءان سالدىم. تاتتىمبەت وركەسترىنىڭ تۇساۋىن ءوزىم كەسىپ, ونىڭ سۇيەمەلدەۋىمەن بىرگە العاش ءان شىرقادىم. سوندىقتان قاراعاندىنى جاقسى كورەمىن. حالىقتىڭ ادامى بولعاننان كەيىن, بار كۇش-قۋاتىمدى جيناپ سىزدەردىڭ الدارىڭىزعا كەلۋگە اسىقتىم», دەدى بيبىگۇل احمەتقىزى.
كەش بارىسىندا اڭىز ءانشى حالىقتىڭ جۇرەگىنەن ايرىقشا ورىن العان ايگىلى «كوكتەم ءۆالسىن» شاكىرتتەرىمەن بىرگە ورىندادى. قاراعاندى جۇرتشىلىعى انشىگە تىكەسىن تىك تۇرىپ قوشەمەت كورسەتتى.