ۇيىمداسقان قىلمىستىق توپتاردىڭ جەتەكشىلەرى مەن بەلسەندى قاتىسۋشىلارى قىلمىستىق جاۋاپكەرشىلىككە تارتىلدى, دەپ حابارلايدى Egemen.kz قر ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
2024 جىلى ۇقك پوليتسيا ورگاندارىمەن بىرلەسىپ, اسا قاۋىپتى 19 ۇيىمداسقان قىلمىستىق توپتىڭ ارەكەتىن توقتاتتى.
سونىمەن قاتار اۋىر جانە اسا اۋىر قىلمىستار جاساعانى ءۇشىن ۇيىمداسقان قىلمىستىق توپتىڭ 72 جەتەكشىسى مەن بەلسەندى قاتىسۋشىسى قىلمىستىق جاۋاپكەرشىلىككە تارتىلعان.
«جالپى 98 ادام كىسى ءولتىرۋ, توناۋ, بوپسالاۋ جانە باسقا دا اۋىر قىلمىستار جاسادى دەگەن كۇدىكپەن ۇستالعان, ونىڭ ىشىندە شەتەلدىك قىلمىسكەرلەردىڭ جەتەكشىلەرىنىڭ كومەكشىلەرى دە بار. ولاردىڭ 40-ى سوتتالىپ, قالعاندارىمەن سوتقا دەيىنگى تەرگەۋلەر ءالى جۇرگىزىلىپ جاتىر», دەلىنگەن حابارلامادا.
ايتا كەتەيىك, ۇيىمداسقان قىلمىسپەن كۇرەس بويىنشا ءىس-شارالار ءالى دە جالعاسىپ جاتىر.