اباي وبلىسىنىڭ تۇرعىنى بيجامال قارجاۋباەۆا بيىل 103 جاسقا تولىپ وتىر. عاسىردان ارتىق جاسى بار كەيۋانانى وبلىس اكىمى نۇرلان ۇرانحاەۆ ارنايى بارىپ قۇتتىقتاپ, قال-جاعدايىن ءبىلىپ قايتتى, دەپ حابارلايدى Egemen.kz.
اق جاۋلىقتى اجە 1922 جىلدىڭ 1 كاڭتارىندا جارما اۋدانىنىڭ بوكە اۋىلىندا دۇنيەگە كەلگەن. جاستىعىن ءوز قاتارلاستارى سياقتى ء«بارى دە مايدان ءۇشىن, ءبارى دە جەڭىس ءۇشىن» ۇرانىمەن تىل ەڭبەگىنە ارناعان. سوعىستان كەيىنگى جىلدارى اۋىل تۇرمىسىنىڭ جاقسارۋىنا اتسالىسقان.
1970 جىلدارى اۋىلدىق كەڭەستە حاتشى, 1981-1985 جىلدارى ينتەرناتتا شارۋاشىلىق مەڭگەرۋشىسى بولىپ ەڭبەك ەتكەن. 1985 جىلى زەينەتكەرلىككە شىقتى. قازىرگى ۋاقىتتا 4 نەمەرە, 8 شەبەرە ءسۇيىپ وتىرعان قازىنالى قاريا.
وبلىس اكىمى اجەنىڭ قال-جاعدايىن ءبىلىپ, عيبراتتى اڭگىمەسىن تىڭدادى. قاريانىڭ ءومىر جولى جاستارعا ونەگە ەكەنىن تىلگە تيەك ەتىپ, مىقتى دەنساۋلىق تىلەپ, سىيلىعىن تابىس ەتتى.
«قارتى بار ءۇيدىڭ قازىناسى بار. وزىڭىزدەي ومىردەن كورگەنى مەن تۇيگەنى مول ۇلكەندەرىمىز ءبىز ءۇشىن تەمىرقازىق ىسپەتتەس. ەل-جۇرت, ۇرپاق ءۇشىن جاساعان ەڭبەكتەرىڭىز ۇمىتىلمايدى. سىزدەرگە قاراپ بوي تۇزەيمىز», دەدى ايماق باسشىسى.
بيجامال اجە وبلىس اكىمىنىڭ ارنايى قۇتتىقتاۋىنا العىسىن ايتىپ, انالىق اق باتاسىن بەردى.