كپو مىسالىن تالداۋ
كەيىنگى جىلدارى كوپتەگەن كومپانيا ESG ستاندارتتارىن ەنگىزىپ كەلەدى. وتاندىق كومپانيالار دا شەت قالماي, ءوز جۇمىستارىنا حالىقارالىق تاجىريبەلەردى ەنگىزۋدە.
تۇراقتى دامۋ – الەم مەن رەسۋرستارعا جاۋاپكەرشىلىكپەن قاراۋ فيلوسوفياسى, ال ESG – تۇراقتى دامۋعا جاۋاپتى تاسىلدەر ارقىلى ۇلەس قوسۋعا مۇمكىندىك بەرەتىن قۇرال. تۇراقتى دامۋ تۋرالى ەسەپ بەرۋ ستاندارتتارىنىڭ سانى جىل سايىن ءوسىپ كەلەدى. ولاردىڭ ىشىندە Global Reporting Initiative Standards ەرەكشە كوزگە تۇسەدى. ESG تاجىريبەلەرى بويىنشا قازاقستاندا جۇرگىزىلگەن سالالىق ساۋالناما دەرەكتەرى بويىنشا, بۇل ستاندارتپەن 86% كومپانيا جۇمىس ىستەيدى (2023 جىلى – 62%).
بۇل نە ءۇشىن قاجەت؟
جاھاندىق جىلىنۋعا ۇلەس قوساتىن فاكتورلاردىڭ ۇشتەن بىرىنەن استامى اتموسفەرادا جىلۋدى CO2-گە قاراعاندا الدەقايدا كۇشتى ۇستاپ تۇراتىن پارنيكتىك گاز, ياعني مەتان شىعارىندىلارىنا تيەسىلى. مەتان – تابيعي گازدىڭ نەگىزگى كومپونەنتى, ال مۇناي-گاز ونەركاسىبى مەتان شىعارىندىلارىنىڭ ءىرى ونەركاسىپتىك كوزى.
ESG ەسەبىنىڭ مازمۇنى – كپو مىسالىندا
«قاراشىعاناق پەترولەۋم وپەرەيتينگ ب.ۆ.» قازاقستاندىق فيليالى – 1998 جىلى نيدەرلاندتا تىركەلگەن حالىقارالىق مۇناي-گاز كومپانياسى. كومپانيا بقو كومىرسۋتەك رەسۋرستارىن بارلاۋ جانە وندىرۋمەن اينالىسادى. سونىمەن قاتار 2008 جىلدان بەرى تۇراقتى دامۋ سالاسىنداعى قىزمەتى تۋرالى ەسەپ بەرىپ كەلەدى.
ەكولوگيالىق ستاندارتتار
ESG ستاندارتتارىنىڭ نەگىزگى باسىمدىلىعى ەكولوگيالىق قۇرامداس بولىككە بەرىلگەن. 2023 جىلى كومپانيا 2037 جىلعا دەيىنگى ەكولوگيالىق تۇجىرىمدامانى ازىرلەپ, ونى كپو-نىڭ جاسىل ستراتەگياسى مەن «كپو 365» بيزنەس-ستراتەگياسىنىڭ نەگىزىنە قوستى.
ستراتەگيا بەس نەگىزگى باعىتتى قامتيدى: پارنيكتىك گاز شىعارىندىلارىن ازايتۋ, ەنەرگەتيكالىق ستراتەگيا, وتەمدىك ستراتەگيا, سۋ رەسۋرستارىن باسقارۋ جانە قالدىقتاردى باسقارۋ. ەكولوگيالىق اسپەكتىلەردى باسقارۋ ءۇشىن كپو EnvAR تسيفرلىق جۇيەسىن قولدانادى.
ادام قۇندىلىعى
ادام كاپيتالىنىڭ دامۋى جانە قاۋىپسىز ءارى سالاماتتى جۇمىس ورتاسىن قۇرۋ – ESG تالاپتارىنىڭ نەگىزگى قۇرامداس بولىگى. 2023 جىلدىڭ سوڭىنداعى مالىمەتتەرگە سۇيەنسەك, كپو-دا 4080 ادام جۇمىس ىستەدى. قىزمەتكەرلەردىڭ بارلىق ساناتى بويىنشا جالاقىنىڭ ورتاشا ءوسۋى 13%-دى قۇرادى, ال جەرگىلىكتى كادرلاردىڭ ۇلەسى تەحنيكالىق لاۋازىمداردا 98%-عا, باسقارۋشىلىق لاۋازىمداردا 86%-عا جەتتى.
تولىعىراق اقپارات – كپو ESG 2023 ەسەپتە: «ديالوگ جانە سەرىكتەستىك ارقىلى تۇراقتى دامۋ».
«قاراشىعاناق پەترولەۋم وپەرەيتينگ ب.ۆ.» ءباسپاسوز قىزمەتى