پرەمەر-مينيستر ولجاس بەكتەنوۆ ۇكىمەت جانىنداعى قۇقىق بۇزۋشىلىقتىڭ الدىن الۋ جونىندەگى ۆەدومستۆوارالىق كوميسسيا وتىرىسى شەڭبەرىندە كۇن تارتىبىنەن تىس پرەمەر-ءمينيستردىڭ ورىنباسارى قانات بوزىمباەۆتىڭ اقتاۋ قالاسى ماڭىنداعى ۇشاق اپاتى ورنىنداعى ۇكىمەتتىك كوميسسيانىڭ جۇمىسى تۋرالى ەسەبى تىڭدالدى.
قۇتقارۋ قىزمەتى ىزدەۋ جۇمىستارىن اياقتادى. ۇشاق اپاتى سالدارىنان 29 ادام اۋرۋحاناعا جاتقىزىلدى, 38 ادام قازا تاپتى. پاتسيەنتتەر ءتۇرلى جاراقاتتارمەن, نەگىزىنەن كوپتەگەن جاراقاتپەن تۇسكەن. جاعداي تۇراقتانعاننان كەيىن ولار پروفيلدەر بويىنشا اۋرۋحاناعا جاتقىزىلدى, تولىق كولەمدە ەم الۋدا. سونداي-اق سانيتارلىق اۆياتسيا جەلىسى ارقىلى استانادان ۇلتتىق شۇعىل مەديتسينا ورتالىعى مەن جەتەكشى رەسپۋبليكالىق ورتالىقتاردىڭ جوعارى بىلىكتى ماماندارى كەلدى. وتاندىق مامانداردان بولەك رف تجم ارنايى كەڭەسى مەن ازەربايجان رەسپۋبليكاسىنىڭ سانيتارلىق اۆياتسيا بريگاداسى دا كەلدى. زارداپ شەككەندەر مەن قازا تاپقانداردىڭ تۋىستارى كەلەدى, ولارعا وبلىس اكىمدىگى ترانسفەرت, ورنالاستىرۋ جانە تاماقتانۋ بويىنشا قاجەتتى كومەك كورسەتەدى. پسيحولوگتەر توبى جۇمىس ىستەپ جاتىر.
ءوز كەزەگىندە كولىك مينيسترلىگى ازەربايجان رەسپۋبليكاسى ۇكىمەتىمەن بىرلەسىپ جۇمىس ىستەيدى. ەرتەڭ برازيليانىڭ اۆياتسيالىق بيلىگى مەن Embraer 190 كومپانياسى كەلەدى دەپ كۇتىلۋدە. تۇپقاراعان اۋدانىندا جەرگىلىكتى تەحنوگەندىك سيپاتتاعى توتەنشە جاعداي رەجىمى جاريالاندى.
پرەزيدەنت قاسىم-جومارت توقاەۆتىڭ تاپسىرماسى بويىنشا زارداپ شەككەندەرگە تولىق كولەمدە مەديتسينالىق كومەك كورسەتىلىپ قازا تاپقانداردىڭ تۋىستارى مەن جاقىندارىنا قاجەتتى قولداۋ شارالارى كورسەتىلىپ جاتىر. قازىرگى ۋاقىتتا جەدەل جەلى جۇمىس ىستەپ تۇر, وعان مىڭنان استام قوڭىراۋ ءتۇستى.
ء«بىرىنشى كەزەكتە قازا تاپقانداردىڭ تۋىستارى مەن جاقىندارىنا كوڭىل ايتامىن. قازاقستان ۇكىمەتى مەن ۋاكىلەتتى ورگاندار زارداپ شەككەندەرگە جانە قايتىس بولعانداردىڭ تۋىستارىنا بارلىق قاجەتتى كومەكتى كورسەتۋدە», دەپ اتاپ ءوتتى و.بەكتەنوۆ.
سونىمەن قاتار پرەمەر-مينيستر اۆياتسيالىق قاۋىپسىزدىكتى كۇشەيتۋ جونىندە بىرقاتار تاپسىرما بەردى.
«بۇل قايعىلى جاعداي, بىزگە دە ۇشۋ قاۋىپسىزدىگى بويىنشا ءتيىستى شارالاردى قابىلداۋ كەرەكتىگىن بىلدىرەدى. ءبىرىنشى كەزەكتە جوسپاردان تىس تەكسەرۋ جۇرگىزۋ, اۋەجايلاردىڭ, اۋە كەمەلەرىنىڭ تەحنيكالىق جاعدايىن ەرەكشە باقىلاۋعا الۋ قاجەت. وتكىزىلىپ وتىرعان ءىس-شارالاردىڭ شەڭبەرىندە وتاندىق اۆياكومپانيالار ەكيپاجداردىڭ بىلىكتىلىگىن, رۇقساتنامالارىن, قۇزىرەتىن قايتا تەكسەرۋ كەرەك. سونداي-اق اۋە وقيعالارىنا جەدەل دەن قويۋ ماقساتىندا اپاتتىق-قۇتقارۋ جۇمىستارىن جەتىلدىرۋ جانە مۇددەلى مەملەكەتتىك ورگانداردىڭ ۇيلەسىمدى جۇمىسىن قامتاماسىز ەتۋ قاجەت.ورىن العان جاعدايدان وسىنداي وقيعالاردى الداعى ۋاقىتتا بولدىرماۋ ءۇشىن ناقتى ۇسىنىستاردى ازىرلەي وتىرىپ دۇرىس قورىتىندى شىعارۋ قاجەت», دەپ اتاپ ءوتتى پرەمەر-مينيستر.