الەۋمەتتىك ادىلدىكتى ورناتۋ – باستى مىندەت

بۇل زاڭدار ەلىمىزدىڭ ساياسي جانە ورنىقتى الەۋمەتتىك-ەكونو­ميكا­لىق دامۋىن قامتاماسىز ەتۋگە باعىت­تالعان. سونىمەن قاتار مەم­لەكەتتى­لىگىمىزدى نىعايتۋ, قوعام­نىڭ وسال توپتارىن قورعاۋ, ەل ەكونو­ميكاسىن, ونىڭ قاۋىپسىزدىگى مەن حالىقارالىق بەدەلىن ارتتىرۋ سياقتى كوپتەگەن ماڭىزدى سالا قامتىلدى.

اتاپ ايتقاندا, وتاندىق عىلى­مي جۇيەنى جەتىلدىرۋدى, سونداي-اق عىلىمي-تەحنيكالىق جانە ين­نو­ۆاتسيالىق قىزمەتتى ءتيىمدى ۇيلەس­تىرۋدى كوزدەيتىن عىلىم جانە تەحنولوگيالىق ساياسات تۋرالى زاڭ قابىلداندى.

مەملەكەت باسشىسىنىڭ تاپسىرماسىمەن مەملەكەتتىك ساتىپ الۋدىڭ اشىقتىعىن ارتتىرۋعا, وسى سالاداعى سىبايلاس جەم­قور­لىقتى بولدىرماۋعا ارنالعان «مەملەكەتتىك ساتىپ الۋ تۋرالى» ارنايى زاڭ بەكىتىلدى.

ادام ساۋداسىنا قارسى ءىس-قيمىل­­دىڭ قۇقىقتىق نەگىزدەرى مەن تيىم­دىلىگىن ارتتىرۋعا, ادام ساۋ­داسى قۇرباندارىنىڭ مۇددە­لەرىن قورعاۋعا ارنالعان زاڭ دا بار.

جىلۋ ەنەرگەتيكاسى سالاسىن­داعى كۇردەلى ينفراقۇرىلىمدىق ماسەلەلەردى شەشۋدى كوزدەيتىن دەربەس جاڭا زاڭ كۇشىنە ەندى.

سونىمەن قاتار پرەزيدەنت قاسىم-جومارت توقاەۆتىڭ باستام­اسىمەن ايەلدەر مەن بالا­لار­دىڭ قۇقىقتارىن قور­عاۋ­دى كۇشەيتەتىن نورمالار قابىل­داندى. بۇل – مەملە­كەت­تىڭ الەۋمەتتىك ادىلەتتى­لىكتى قامتا­ماسىز ەتۋگە باعىتتالعان ۇستانى­مى­نىڭ ايقىن كورسەتكىشى.

سونداي-اق ەكونوميكا, مەم­لەكەتتىك باسقارۋ, حالىقتى الەۋ­مەتتىك قامسىزداندىرۋ جانە وزگە دە سالالارعا قاتىستى ماڭىزدى زاڭدارمەن جۇمىس ىستەدىك.

وتكەن ايدا ەلىمىزدىڭ باستى قارجىلىق قۇجاتى – ءۇش جىل­عا ارنالعان رەسپۋبليكالىق بيۋد­جەت­تى بەكىتتىك. كەشەگى سوڭعى وتى­رىس­تا اكىمشىلىك قۇقىق بۇزۋ­شىلىق تۋرالى زاڭنامانى ودان ءارى جە­تىل­­دىرۋگە باعىتتالعان كولەم­دى تۇزەتۋلەر توپتاماسىن قارادىق.

بۇل رەتتە دەپۋتاتتاردىڭ زاڭ شىعارۋعا باستاماشى بولىپ, بەل­سەندىلىك تانىتقانىن اتاپ وتكەن ءجون. زاڭ شىعارۋ قىز­مەتى­­­مەن قاتار سەناتتىڭ تۇراق­تى كومي­­­تەت­تەرى پالاتا جوسپارىنا ساي­كەس بىرقاتار ماڭىز­دى ءىس-شارا ۇيىم­­داستىردى. ازىق-تۇ­لىك قاۋىپ­­سىزدىگى جانە ەكونومي­كا­نىڭ وڭدەۋشى سەكتورىن دامىتۋ ماسە­­لەلەرىن تالقىعا سالىپ, ەكى پار­لا­مەنتتىك تىڭداۋ وتكىز­دىك. سەناتتا دەموگرافيالىق ءوسۋ ماسە­لەسىنە قاتىستى ۇكىمەت ساعاتى جانە 150-دەن اسا دوڭگەلەك ۇستەل مەن كوشپەلى وتىرىستار ۇيىمداستىرىلدى.

ماڭىزدى ماسەلەلەر بويىنشا ۇكىمەتكە 180-گە جۋىق دەپۋتاتتىق ساۋال جولداندى. سولاردىڭ ىشىن­دە حالىقتى الاڭداتقان وزەكتى ماسە­لەلەر بويىنشا ساۋالدارعا ۇكىمەت مۇشەلەرىنىڭ اۋىزشا جاۋاپتارى تىڭدالدى.

سەنات جانىنداعى كونسۋل­تا­تيۆتىك-كەڭەسشى ورگاندار دا بىر­قاتار ماڭىزدى شارا وتكى­زىپ, ء«بىر ەل – ءبىر مۇددە» جانە ء«وڭىر» دەپۋتاتتىق توپتارى, ماس­ليحات­تارمەن ءوزارا ءىس-قيمىل جونىن­دەگى جانە ينكليۋزيا جونىندەگى كەڭەستەر جالپى سانى 13 وتىرىس ۇيىمداستىردى.

ورنىقتى دامۋ سالاسىنداعى ۇلتتىق ماقساتتار مەن مىندەت­تەردىڭ ىسكە اسىرىلۋىنا مونيتو­رينگ جۇرگىزۋ جونىندەگى پارلا­مەنت­تىك كوميسسيانىڭ بەس وتىرىسى ناتيجەلى ءوتتى. سەناتتىڭ حالىق­ارالىق قىزمەتى دە مازمۇندى شارالارمەن ەرەكشەلەندى.

جالپى, بيىل اتقارىلعان اۋقىمدى جۇمىس ءۇشىن بارشا ارىپ­تەسىمە, سەنات اپپاراتىنا ريزا­شىلىعىمدى ءبىلدىرىپ, العىس ايتامىن. سونداي-اق پالاتا قىز­مەتىن حالىققا جەتكىزۋ جولىن­داعى بەلسەندى جۇمىستارى ءۇشىن بۇقارالىق اقپارات قۇرال­دارىنىڭ وكىلدەرىنە راقمەت ايتامىن.

جىل اياقتالعانىمەن, دەپۋ­تات­تىق قىزمەتىمىز جالعاسا بەرمەك. بۇگىننەن باستاپ سەناتورلار وڭىرلەرگە ساپارعا شىعىپ جاتىر. ساپار بارىسىندا تۇرعىنداردى الاڭداتقان وزەكتى ماسەلەلەرگە باسا ءمان بەرۋىمىز كەرەك. حالىققا قابىلدانعان زاڭداردىڭ ماڭىزىن كەڭىنەن تۇسىندىرگەن ءجون.

سونىمەن قاتار كەلەر جىلى سەنات مەملەكەت باسشىسىنىڭ تاپسىرماسىنا سايكەس ازىرلەنگەن جاڭا بيۋدجەت, سالىق, سۋ, قۇرى­لىس كودەكس­­تەرىن قارايدى. بۇل قۇجات­تار­­دىڭ ەلىمىز ءۇشىن ماڭىزدى ەكەنىن ەسكەرە وتىرىپ, ولاردى وتە مۇ­قيات پىسىقتاۋىمىز قاجەت. وسى جانە باسقا دا باعىتتاعى جۇمىس­تارىمىز تابىستى بولارىنا سەنەمىن.

ماۋلەن اشىمباەۆ,

سەنات توراعاسى