استانا قالاسىندا, سارىارقا اۋدانىندا, ش. قوسشىعۇل ۇلى مەن اقان سەرى كوشەلەرىنىڭ قيىلىسىندا پەريناتالدىق ورتالىق سالۋ جوسپارلانۋدا, دەپ حابارلايدى Egemen.kz ونەركاسىپ جانە قۇرىلىس مينيسترلىگىنىڭ ءباسپاسوز قىزمەتىنە سىلتەمە جاساپ.
پەريناتالدىق ورتالىقتىڭ قۇرىلىسى 2 كەزەڭگە بولىنگەن.
1-كەزەڭ نەگىزگى عيماراتتىڭ ىرگەتاسى مەن قاڭقاسىن جوبالاۋ مەن سالۋدى قامتيدى, ءماجىلىس زالى, اكىمشىلىك جانە ميكروبيولوگيالىق زەرتحانا عيماراتى بار.
2-ءشى كەزەڭدە قوسالقى عيماراتتار مەن قۇرىلىستاردىڭ كونسترۋكتيۆتىك شەشىمدەرىن (اۆتوموبيلدەرگە ارنالعان گاراجى بار تەحنيكالىق بلوك, ءبوپ, مەديتسينالىق گازدار عيماراتتارى, تپ), ساۋلەتتىك شەشىمدەردى, نەگىزگى جانە قوسالقى عيماراتتار مەن قۇرىلىستاردى, تەحنولوگيالىق شەشىمدەردى, ىشكى ينجەنەرلىك جۇيەلەردى, سىرتقى ينجەنەرلىك جەلىلەردى, باس جوسپاردى جوبالاۋ جانە سالۋ جوسپارلانۋدا.
بۇگىنگى تاڭدا «مەمساراپتاما» رمك جوبالاۋ-سمەتالىق قۇجاتتامانىڭ 1-ءشى كەزەڭىنە وڭ قورىتىندى بەردى.
جوبانىڭ تاپسىرىس بەرۋشىسى «وبەكتىلەردى سالۋ جونىندەگى كومپانيا» كورپوراتيۆتىك قورى. باس جوبالاۋشى – «IT Engineering SA» فيرماسىنىڭ فيليالى.