ۇلتتىق بانك 1996–2013 جىلدار ارالىعىندا شىعارىلعان قولما-قول دوللارعا قاتىستى ازاماتتاردان تۇسەتىن شاعىمداردىڭ جيىلەپ كەتكەنى تۋرالى مالىمدەدى. وعان سەبەپ ايىرباستاۋ بەكەتتەرىنىڭ ايىرباستاۋدان باس تارتۋى ەكەن. ەل اۋماعىندا شەتەل ۆاليۋتاسى وپەراتسيالارىنا قاتىستى قانداي ءتارتىپ بار؟
باس بانكتىڭ ايتۋىنشا, ەگەر بانكنوتتار ب ۇلىنبەگەن, اينالىمدا جارامسىز دەپ تانىلماعان بولسا, ايىرباستاۋدا ەش كەدەرگى تۋىنداماۋعا ءتيىس. كوميسسيا دا ۇستالمايدى. ەسكەرتە كەتەيىك, ايىرباستاۋ پۋنكتتەرى الاتىن كوميسسيا بانكنوتتار جارامسىز بولعان جاعدايدا الىنادى.
ەگەر ايىرباستاۋ پۋنكتى كوميسسيا السا نەمەسە شەتەل ۆاليۋتاسىن شىققان جىلىنا قاراي قابىلداسا, ۆاليۋتا ايىرباستاۋدان نەگىزسىز باس تارتسا, سول ايىرباستاۋ پۋنكتى ورنالاسقان جەردەگى ۇلتتىق بانك اۋماقتىق فيليالىنا شاعىمدانۋ قاجەت. ايتپاقشى, شاعىممەن قاتار بارلىق قاجەت اقپارات پەن قۇجاتتى قوسا كورسەتكەنىڭىز ابزال. سوندا عانا زاڭعا سايكەس شارا قولدانىلادى.
كاسسا وپەراتسيالارى مەن بانكنوتتاردى, مونەتالاردى جانە باعالى زاتتاردى ينكاسساتسيالاۋ ەرەجەلەرىنە سايكەس, بانك كليەنتتەن قولما-قول اقشا قابىلداۋ, كليەنتكە قولما-قول اقشا بەرۋ سەكىلدى كاسسا وپەراتسيالارىن جۇزەگە اسىرادى. بۇلار بانك تۋرالى زاڭنىڭ 30-بابىندا كورسەتىلگەن.
دەمەك ەكىنشى دەڭگەيدەگى بانكتەر كاسسالىق وپەراتسيالاردى جۇزەگە اسىرعانى ءۇشىن الىناتىن كوميسسيالاردى وزدەرىنىڭ ىشكى تاريفتىك ساياساتىنا سايكەس بەلگىلەۋگە قۇقىلى.