ءورت قاۋپى ءورشىپ تۇر

وبلىستىق توتەنشە جاعداي­لار دەپارتامەنتىنىڭ ماماندارى مەن ەل ىشىندەگى ەرىكتىلەر ءورت قاۋىپسىزدىگى ەرەجەلەرىن ەلدىڭ ەسىنە سالعانىمەن, قاراپايىم تالاپتاردى مەيلىنشە دۇرىس ساقتاماۋدىڭ سالدارىنان ايتىپ كەلگەن اپاتتىڭ سەيىلەر ءتۇرى كورىنبەيدى.

– جىلۋ بەرۋ ماۋسىمى باس­تال­­عالى ءورت قاۋىپسىزدىگى ەرەجە­­لەرى بۇزىلادى, – دەيدى اقمو­لا وبلىسى توتەنشە جاع­دايلار دەپارتامەنتى­نىڭ مەملە­كەتتىك ءورت باقىلاۋ باسقار­ماسى باسشى­سىنىڭ ورىن­باسارى ەر­جان عابباس, – مۇن­داي 49 جاعداي تىر­كەلدى. ەلەكتر قۇرىلعىلارىن مونتاج­داۋ, تەحنيكالىق پايدالانۋ ەرەجەلەرىن بۇزعان 75 دەرەك انىقتالدى. جەتى جاعدايدا ءۇي يەلەرى وت جاققان كەزدە قاۋىپتى اڭعارماي, وپىق جەگەن.

الدىن الۋ جۇمىستارى جۇر­گىزىلىپ-اق جاتىر. ماۋسىم باس­تال­عالى 9 000 وتباسىنىڭ ۇيلە­رى­نە نازار اۋدارىلعان. بۇل ۇي­لەر – الەۋمەتتىك جاعىنان از قامتا­ماسىز ەتىلگەندەردىڭ باس­پانالارى. شامامەن ءبىر جارىم مىڭداي پەشتىڭ مۇرجاسى ىستان تازارتىلىپ, سونشا ۇيگە ءورت قاۋپى بولعان جاعدايدا دابىل قاعاتىن قۇرىل­عى ورناتىلعان. ءالى دە 1400 وت­باسىنا وسىنداي قۇرىلعى ورنا­تۋ مەجەلەنگەن. بۇل ءىستىڭ ايتا قالارلىقتاي پايداسى بار. ماسە­لەن, دابىل قاققىشتىڭ ارقاسىندا ءبىرجان سال اۋدانىندا ەكى قارت ادام اجال اۋزىنان امان قالعان. سوڭ­عى كەزدە التى اۋدان­دا قۇرىلعىنىڭ ىسكە قوسىلۋى سە­بەپ­تى 30 ادامنىڭ ءومىرى ساق­تالعان.

الدا – جاڭا جىل. قاۋىپسىزدىك ەرەجەلەرىن كۇشەيتپەسە بولمايدى. اسىرەسە بالالارعا اباي بولۋ كەرەك. ء«ورت – ءتىلسىز جاۋ» ەكەنىن اركەز ەستەن شىعارماعان ءجون.

اقمولا وبلىسى