«قازگيدرومەت» رمك بولجامىنا سايكەس, سەيسەنبى, 24 جەلتوقساندا ەلىمىزدىڭ باسىم بولىگىندە تۇراقسىز اۋا رايى ساقتالادى, دەپ حابارلايدى Egemen.kz.
سينوپتيكتەردىڭ بولجامىنشا, بۇگىن تسيكلون ويپاتى جانە ونىمەن بايلانىستى اتموسفەرالىق اعىنداردىڭ اسەرىنەن ەلدىڭ باسىم بولىگىندە كۇن قۇبىلمالى بولادى. ەلدىڭ باسىم بولىگىندە قار جاۋىپ, باتىسىندا جاۋىن-شاشىن (جاڭبىر, قار) بولادى. رەسپۋبليكا بويىنشا جەل كۇشەيىپ, تۇمان تۇسەدى, باتىستا كوكتايعاق بولادى.
تۇندە ورتالىق پەن شىعىستا 20-35 گرادۋس اياز بولادى, ال قالعان اۋماقتا تەمپەراتۋرالىق فوندا كۇرت وزگەرىستەر كۇتىلمەيدى.