سەناتتىڭ كۋلۋارىندا ىشكى ىستەر ءمينيسترىنىڭ ورىنباسارى سانجار ءادىلوۆ جاۋاپ بەردى, دەپ حابارلايدى Egemen.kz.
ول الدىمەن تەرگەۋشىلەر شەرزات بولاتتىڭ ولىمىنە قاتىستى 11 قىلمىستىق ءىستى تەرگەپ بىتكەنىن, ءىس ماتەريالدارى وسى جىلدىڭ سوڭىنا دەيىن ەكى تاراپقا تانىسۋعا بەرىلەتىنىن ايتتى. بالانىڭ ولىمىنە قاتىستى 11 ادام قامالعان.
«ال, شەرزات بولاتتىڭ اكەسى اكىمشىلىك سوتتىڭ شەشىمىمەن 15 تاۋلىككە قامالعان بولاتىن. سوت شەشىمى بويىنشا وسى ايدىڭ سوڭىندا, مەرزىمى وتكەن سوڭ بوسايدى», دەپ ءمالىم ەتتى ول.
ەستەرىڭىزگە سالا كەتەيىك, بۇعان دەيىن حابارلاعانىمىزداي, قارجاۋباي نۇرىموۆ 11 جەلتوقسان كۇنى قولعا تۇسكەن بولاتىن. ول پوليتسيانىڭ كولىگىنە زيان تيگىزدى دەپ ايىپتالعان ەدى.