بۇگىن ۇكىمەت وتىرىسىندا قارجى ۆيتسە-ءمينيسترى ەرجان ءبىرجانوۆ ۇكىمەت وتىرىسىندا 2024 جىلدىڭ 11 ايىنداعى قارجىلىق كورسەتكىشتەردى باياندادى, دەپ جازادى Egemen.kz.
ۆيتسە-ءمينيستردىڭ مالىمەتىنشە, مەملەكەتتىك بيۋدجەتتىڭ كىرىسى 19 ترلن تەڭگەنى قۇراپ, بۇل جوسپاردىڭ 90%-ىن قامتىعان.
رەسپۋبليكالىق قازىناعا جوسپارلانعان قارجىنىڭ 82 پايىزى تۇسكەن.
«جوسپاردى ورىنداماۋدىڭ نەگىزگى سەبەپتەرى وتكەن جىلدىڭ سايكەس كەزەڭىمەن سالىستىرعاندا 10 اي ىشىندە ءۇشىنشى ەلدەردەن يمپورت كولەمىنىڭ 6,4%-عا نەمەسە $2,3 ملرد-قا ازايۋىنا; نەگىزگى ەكسپورتتىق مەتالدار باعاسىنىڭ تومەندەۋىنە بايلانىستى, بۇل ءوز كەزەگىندە 602 ءىرى سالىق تولەۋشىلەر بويىنشا اۆانستىق تولەمدەر سوماسىنىڭ 267 ملرد تەڭگەگە تومەندەۋىنە اسەر ەتتى», دەدى ەرجان ءبىرجانوۆ.
ال جەرگىلىكتى بيۋدجەتتەردىڭ كىرىسى 108 پايىزعا ورىندالىپ, 7,2 ترلن تەڭگەنى قۇراعان. وسىلايشا, جوسپار 525 ملرد تەڭگەگە اسىرا ورىندالعان.
بيۋدجەت شىعىستارى مەملەكەتتىك بيۋدجەت جوسپارلانعان 100 پايىزدىڭ 94%, رەسپۋبليكالىق – 96%, جەرگىلىكتى – 92% پايىزدى قۇراعان.