ساتباەۆ قالاسىنداعى №14 – مەكتەپكە جاڭا وقۋ جىلىندا فاريزا وتجانقىزى ديرەكتور بولىپ كەلدى. جاس تا جىگەرلى باسشى مەكتەپتى جاڭا دەڭگەيگە كوتەرۋ ماقساتىندا كوپتەگەن ىزدەنىستەرگە بارۋدا. ول مەكتەپتە دومبىراشىلار وركەسترىن ۇيىمداستىرۋدى ويلاعان ەدى. بىراق..
قول قىسقا, قارجى تاپشى بولعان سوڭ, ويداعىنى ىسكە اسىرۋ وڭايعا سوقپايدى ەكەن. سودان دەمەۋشى ىزدەۋگە تۋرا كەلدى. ونىڭ وتىنىشىنە «اۋىل» پارتياسىنىڭ وبلىستىق فيليالى كومەك قولىن ۇسىندى. ءسويتىپ, «اۋىل» مەكتەپكە 20 دومبىرا سىيعا تارتتى.
-قازىر باسپاسوزگە جازىلۋ ناۋقانى ءجۇرىپ جاتقانىن ەسكەرىپ, مەكتەپتىڭ اتا-انالارىنىڭ اراسىنان 5 كىسىنى «ەگەمەن قازاقستان» گازەتىنە 1 جىلعا تەگىن جازدىردىق –دەيدى فيليال توراعاسى ابزال جيەنباەۆ.
ءسويتىپ, ۇلىتاۋلىق «اۋىلدىقتار» بالالارعا دومبىرا, ۇلكەندەرگە «Egemen» Qazaqstan» گازەتىن سىيعا تارتىپ, رۋحانيات جاناشىرلارى ەكەنىن تانىتتى.