الاش جولى – التىن قازىق

بايقاۋدىڭ اشىلۋ را­سىمىندە ءسوز سوي­لەگەن «اق جول» پارتياسىنىڭ توراعاسى ازات پەرۋاشەۆ: «ۇلتتىق يدەولوگيا – كەز كەلگەن مەملەكەتتىڭ تىرەگى, ول حالىق پەن مەملەكەت اراسىنداعى التىن كوپىر ىسپەتتى. قازاق ەلى ءۇشىن الاشتان اسقان, الاشتان وزگە ۇلتتىق يدەيا جوق. ال يدەيا – ءتىرى دۇنيە, ول ۇنەمى دامىپ, تەرەڭدەپ, كەڭەيىپ وتىرۋى كەرەك. ءبىزدىڭ بايقاۋ – ءدال وسى الاش يدەياسىن جاڭعىرتۋعا ارنالعان باستاما. بايقاۋعا قاتىسۋشىلاردىڭ ارقايسىسى وسى يدەيانىڭ دامۋى­نا ءوز ۇلەستەرىن قوسىپ جاتىر», دەدى.

بيىل 13-رەت ۇيىمداس­تى­­رىلىپ وتىرعان بايقاۋعا 250-دەن استام ستۋدەنت پەن مامان جۇمىستارىن جىبەرىپتى. قورىتىندى كەزە­ڭىندە قىزۋ پىكىرتالاس ءوربىپ, ساپالى باياندامالار جاسالدى. جال­پىۇلتتىق بايقاۋعا پار­لا­مەنت ماجىلىسىندەگى «اق جول» فراكتسياسىنىڭ اپپارات جەتەكشىسى بەرىك دۇيسەمبينوۆ, پارلامەنت ءماجىلىسىنىڭ دەپۋتاتى سەرىك ەرۋباەۆ, ءىىم ب.بەيسەنوۆ اتىنداعى قاراعاندى اكادەمياسىنىڭ باستىعى, پوليتسيا پولكوۆنيگى نۇرلان بيەكەنوۆ جانە پارتيانىڭ ءماسليحات دەپۋتاتتارى قاتىستى. قر ۇعا اكادەميگى, الاشتانۋشى ديحان قامزابەك ۇلى, ل.ن.گۋميلەۆ اتىنداعى ەۇۋ «الاش» ينستيتۋتىنىڭ ديرەكتورى, PhD سۇلتان حان اققۇل ۇلى, PhD, MNU اسسيستەنت-پروفەسسورى الما سايلاۋ­قىزى قازىلىق ەتسە, ەۇۋ قازاق كافەد­راسىنىڭ پروفەسسورى, الاشتانۋشى قايىربەك كەمەڭ­گەر قورىتىندى ءىس-شارانى مودەراتور رەتىندە جۇرگىزىپ وتىردى.

ىرىكتەۋ كەزەڭىنەن وتكەن قا­تىسۋشىلاردىڭ باياندامالارى مەن پىكىرسايىستارىنىڭ ناتيجەسىندە, «الاش قايرات­كەرلەرىنىڭ الاش رەسپۋبلي­كاسىنىڭ مەملەكەتتىك قۇ­رى­لىمى تۋرالى يدەياسى جانە ونىڭ قازىرگى قازاقستان ءۇشىن وزەك­تىلىگى» اتالىمى, «الاش قاي­راتكەرلەرىنىڭ وقۋ-اعارتۋ مەن عىلىمداعى ۇستانىمى جانە ونىڭ قازىرگى قازاقستان ءۇشىن ماڭىزى», «الاش قايراتكەرلەرىنىڭ ەكو­نوميكالىق كوزقاراسى جانە كاسىپكەرلىكتى دامىتۋ», «الاش رەسپۋبليكاسى – الدىڭعى قازاق مەملەكەتتەرى (كونە تۇركى قا­عاناتتارى, ۇلىق ۇلىس – التىن وردا, قازاق حان­دىعى) مەن قا­زىرگى تاۋەلسىز قازاق ەلىنىڭ زاڭ­نامالىق ساباق­تاستىعىن جال­­عايتىن كوپىر» اتالىمدارى بويىنشا ەلىمىزدىڭ تۇكپىر-تۇك­پىرىنەن قاتىسقان شى­عارما­شىلىق تۇلعالارعا جۇلد­ە­لى ورىندار تابىستالدى.