سينوپتيكتەر 2024 جىلعى 8 جەلتوقسانعا ارنالعان سينوپتيكالىق جاعداي مەن قاۋىپتى اۋا رايى قۇبىلىستارىنىڭ بولجامىن جاريالادى, دەپ حابارلايدى Egemen.kz.
«ەلدىڭ شىعىس جارتىسىندا اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى, وڭتۇستىك-شىعىس پەن شىعىستا دا قار جاۋىپ, كوكتايعاق بولادى», دەپ حابارلادى «قازگيدرومەت» رمك.
انتيتسيكلوننىڭ اسەرىنەن ەلىمىزدىڭ باتىس جارتىسىندا جاۋىن-شاشىنسىز اۋا رايى كۇتىلەدى. جالپى رەسپۋبليكا بويىنشا تۇمان كۇتىلەدى. باتىستا, وڭتۇستىكتە جانە شىعىستا جەل كۇشەيەدى.
استانادا كوشپەلى بۇلت شىعادى, كەي ۋاقىتتا ازداپ قار جاۋادى. سولتۇستىك-باتىستان 3-8 م/س جەل سوعادى. اۋا تەمپەراتۋراسى تۇندە -16-18°, كۇندىز -12-14°.
الماتىدا تۇندە بۇلتتى, قار جاۋادى. كۇندىز بۇلتتى, قار جاۋادى, كەيدە قالىڭ, تۇمان تۇسەدى, جولدار كوكتايعاق بولادى. وڭتۇستىك-شىعىستان 0-5 م/س جەل سوعادى. اۋا تەمپەراتۋراسى تۇندە -3-5°, كۇندىز -3-5°, ودان ءارى تومەندەيدى.
شىمكەنتتە كوشپەلى بۇلت شىعادى, كەي جەرلەردە قار جاۋىپ, تۇمان ءتۇسىپ, كوكتايعاق بولادى. سولتۇستىك-شىعىستان 5-10 م/س جەل سوعادى. اۋا تەمپەراتۋراسى تۇندە جانە كۇندىز -3-5°.