ەل سەنىمىن ارقالاۋ – جاۋاپتى مىندەت

شاھار باسشىسى: ء«ماسليحات­تىڭ قوعامداعى ءرولى قاشان دا بيىك. بۇل – جەرگىلىكتى وكىلدى ورگان رەتىندە حالىق پەن بيلىك اراسىنداعى التىن كوپىر. قالالىق ءماسليحاتتىڭ ءار شاقىرىلىم­داعى دەپۋتاتتارى شاھار­دىڭ الەۋمەتتىك-ەكونوميكالىق دامۋىنا قوماقتى ۇلەس قوسىپ كەلەدى. بۇگىنگى تاڭدا مەملەكەت باسشىسى قاسىم-جومارت توقاەۆتىڭ باستاماسىمەن ەلىمىزدە اۋقىمدى ساياسي رەفورمالار جۇزەگە اسىپ جاتىر. پرەزيدەنت ءماسليحاتتار مەن جەرگىلىكتى اتقارۋشى ورگاندارعا حالىقپەن تىعىز بايلانىستا جۇمىس ىستەپ, تۇرعىنداردىڭ مۇڭ-مۇقتاجىن بىرىگىپ شەشۋ جونىندە مىندەت قويدى. وسى ورايدا قالالىق ءماسليحات اكىمدىكپەن بىرگە بارلىق ماسەلەنى شەشىپ, ناتيجەلى ەڭبەك ەتىپ كەلەدى. جينالعان بارشا كوپشىلىك قاۋىمدى ەلىمىز بويىنشا ءماسليحاتتىڭ قۇرىلعانىنا 30 جىل تولۋىمەن قۇتتىقتايمىن», دەي كەلە بىرقاتار ەڭبەك ارداگەرىنىڭ كەۋدەسىنە مەرەي­تويلىق توسبەلگىلەر تاقتى.

سونداي-اق مەرەكەلىك جيىندا پارلامەنت سەناتىنىڭ دەپۋتاتى ايگۇل قاپباروۆا سەنات توراعاسى ماۋلەن اشىمباەۆتىڭ قۇتتىقتاۋ حاتىن وقىپ بەرىپ, بىرقاتار ازاماتتى مەرەيتويلىق توسبەلگىلەرمەن ماراپاتتادى.

شىمكەنت قالاسى ءماسليحاتى­نىڭ توراعاسى باحادىر نارىم­بەتوۆ ءىس-شارادا ءماسليحات تاري­حى­نا توقتالىپ ءوتتى. ول وكىلدى ورگاننىڭ قالىپتاسۋ كەزەڭ­دەرى­نەن سىر شەرتىپ, ءاربىر شاقى­رىلىمىندا كورنەكتى وكىلدەر ساي­لانعانىن, ولار ءوندىرىس, دەن­ساۋلىق ساقتاۋ, ءبىلىم بەرۋ, بيزنەس, مادەنيەت سالالارى بويىنشا مەگاپوليستىڭ الەۋمەتتىك-ەكونوميكالىق دامۋىن­دا زور ۇلەس قوسقانىن اتاپ ءوتتى.

«مەملەكەت باسشىسى بار­­لىق دەڭ­گەيدەگى ءماسليحات دەپۋ­تات­تارىنىڭ العاشقى رەسپۋب­لي­كالىق فورۋمىندا سويلەگەن سوزىندە «بيلىكتىڭ قوس قاناتى اكىمدىكتەر مەن ءماسليحاتتىڭ نەگىزگى قىزمەتى – حالىقتىڭ ءال-اۋقاتىن جاق­سارتۋ. سول ءۇشىن بىرلەسە وتىرىپ, ايان­باي ەڭبەك ەتىپ, ەل سەنىمىن اقتاۋ نە­گىزگى مىندەت» دەگەن ەدى. وسى ورايدا شىمكەنت قالالىق ءماسلي­حاتى بارلىق ماسەلە بويىنشا قالا اكىمدىگىمەن بىرلەسە شەشىم قا­بىلداپ, ەڭبەكتىڭ ناتيجەسىن كور­سەتىپ كەلەدى. ماسەلەن, وسى جىل­دىڭ ون ايىندا مەگاپو­ليس­تىڭ ەكو­نوميكالىق ءوسىمى 12%-دى قۇراپ, بۇل كورسەتكىش­پەن شىمكەنت رەس­پۋبليكادا كوش باستادى. قازىر­گى تاڭدا 2,7 ترلن تەڭگەنىڭ 220 ينۆەس­تيتسيالىق جوباسى دايىن, سوعان سايكەس كەلەشەكتە 30 مىڭنان اسا جاڭا جۇمىس ورىندارى قۇرىلادى. ال جىل باسىنان بەرى مەگاپوليسكە تارتىلعان ينۆەستيتسيا 536 ملرد تەڭگەگە جەتتى. قالالىق ءماسليحاتتا كاسىپكەر دەپۋتاتتار دا از ەمەس. ولار ينۆەستيتسيا تارتۋ, حالىقتى كاسىپكەرلىككە باۋلۋ ىسىنە بەلسەنە اتسالىسىپ ءجۇر. سايلاۋشىلاردىڭ سەنىمىن ارقالاۋ – اسا جاۋاپتى مىندەت. سول جولدا ەڭبەك ەتكەن ارداگەرلەردى, بۇگىنگى دەپۋتاتتاردى مەرەي­تويلارىمەن قۇتتىقتايمىن. ولار ەل مۇددەسى ءۇشىن ءالى تالاي قىز­مەت اتقارارىنا سەنىمىم مول», دەدى ب.نارىمبەتوۆ.

شىمكەنت