عالام عاجاپتارى: «Operator» – جي اگەنتى

بۇل جۇيە كومپيۋتەردى وزدىگىنەن باسقارىپ, ءتۇرلى تاپسىرمالاردى ورىنداي الادى. «Bloomberg» مالىمەتىنشە, العاشقى نۇسقاسى 2025 جىلدىڭ قاڭتارىندا دايىن بولادى. مۇنداي اگەنتتەردى «Google» مەن «Anthropic» كومپانيالارى دا جاساپ جاتىر. بۇل تەحنولوگيا اقپارات وڭدەۋدەن بولەك, كومپيۋتەرلىك جۇيەلەرمەن تىكەلەي جۇمىس ىستەيدى. ساراپشىلاردىڭ سوزىنشە, جوبا جاساندى ينتەللەكتى جاڭا ءداۋىرىنىڭ باسى بولماق. كومپانيانىڭ بولجامىنشا, 2025 جىلى مۇنداي جۇيەلەر كۇندەلىكتى ءومىردىڭ ءبىر بولىگىنە اينالادى. جي زەرتحانالارى اۆتونومدى اگەنتتەر جۇمسالعان قارجىنى ەسەلەپ قايتارادى دەپ وتىر.

جۇزەتىن روبوت

گارۆارد عالىمدارى ءسپيرتتىڭ كو­مە­گىمەن سۋدا قوزعالاتىن كىشكەن­تاي روبوتتار جاسادى.

روبوتتاردىڭ ديامەترى 1 سم. ولارعا اۋا كامەراسى مەن سپيرت قۇيىلعان باك ورناتىلعان. سۋعا تۇسكەندە, سپيرت كىش­كەنتاي تەسىكتەن توگىلىپ, روبوتتى قوز­عالتادى. بۇل ۇدەرىس مارانگوني اسە­رىنە نەگىزدەلگەن. ياعني تومەنگى بەتتىك كە­رىلۋى بار سۇيىقتىق جوعارى كەرىلۋمەن ارەكەتتەسىپ, تارتىلىس كۇشىن تۋدىرادى. روبوتتار 6 سم/س جىلدامدىقپەن 500 سەكۋندقا دەيىن قوزعالا الادى. سپيرت سۋدى لاستامايتىندىقتان, ەڭ ءتيىمدى وتىن رەتىندە تاڭدالعان. عالىمدار كۇردەلى تراەكتوريامەن جۇرەتىن, بىرلەسىپ ارەكەت ەتەتىن روبوتتاردى دا سىناقتان وتكىزدى.

بارلىعىن باقىلايتىن راديوتەلەسكوپ

قىتايلار تسزيلين پروۆينتسياسىندا ديامەترى 120 مەتر بولاتىن تولىقاينالمالى راديوتەلەسكوپ سالىپ جاتىر.

راديوتەلەسكوپ اسپاننىڭ كەز كەلگەن نۇكتەسىن باقىلاۋعا مۇمكىندىك بەرەدى. جاڭا قۇرىلعى استەرويدتاردى قاداعالاپ, كۇن جۇيەسىنىڭ پلانەتالارىن زەرتتەۋ­گە ارنالعان. تەلەسكوپتىڭ قۇرىلىسى 2028 جىلى اياقتالادى. جوبانى قىتاي عىلىم اكادەمياسى جۇزەگە اسىرىپ جاتىر. عالىمدار قۇرىلعى قىتايدىڭ راديواسترونوميا, عالامشاردى قورعاۋ سالاسىنداعى مۇمكىندىكتەرىن ارتتىرادى دەپ وتىر.