ەلىمىزدە 2025 جىلعى كوكتەمگى ەگىس جانە ەگىن جيناۋ جۇمىستارىن قارجىلاندىرۋ باستالدى. مەملەكەت باسشىسى جاقىندا اگروونەركاسىپتىك كەشەن ەكونوميكالىق ءوسىمنىڭ نەگىزگى كۇشتەرىنىڭ ءبىرى سانالاتىنىن ايتقان ەدى.
ۇكىمەت اوك دامىتۋ جونىندەگى مىندەتتەرگە قول جەتكىزۋ ماقساتىندا كەشەندى شارالار قابىلداپ جاتىر. ەلىمىزدە پرەمەر-ءمينيستردىڭ تاپسىرماسى بويىنشا فەرمەرلەردىڭ ءوتىنىش-تىلەكتەرىن ەسكەرە وتىرىپ, وسى جىلدىڭ 29 قاراشاسىنان باستاپ 2025 جىلعى كوكتەمگى ەگىس جانە ەگىن جيناۋ جۇمىستارىن جۇرگىزۋدى قارجىلاندىرۋ باستالدى.
پرەزيدەنتتىڭ تاپسىرماسىن ورىنداۋ شەڭبەرىندە 2025 جىلعى كوكتەمگى ەگىس جانە ەگىن جيناۋ جۇمىستارىنا 700 ملرد تەڭگەگە دەيىن باعىتتالادى, ونىڭ 560 ملرد تەڭگەسى كاپيتالدىڭ نارىقتىق كوزدەرىنەن تارتىلادى.
بۇگىننەن باستاپ «اگرارلىق نەسيە كورپوراتسياسى» اق جىلدىق 5% دەڭگەيىندە جەڭىلدىكتى سىياقى مولشەرلەمەسىمەن «كەڭ دالا 2» باعدارلاماسى بويىنشا قارجىلاندىرۋ تەتىگى ىسكە قوسىلدى. 684 اۋىل شارۋاشىلىعى تاۋارىن وندىرۋشىلەردەن شامامەن 82 ملرد تەڭگە سوماعا وتىنىمدەردىڭ جالپى پۋلى قالىپتاستىرىلدى, ونىڭ قاتارىندا 176 ءوتىنىم جۇمىسقا قابىلداندى. تاعى 508 ءوتىنىش بويىنشا 59,9 ملرد تەڭگەگە قۇجاتتار جينالادى.
قارجىلاندىرۋ العاش رەت كوكتەمگى ەگىس جانە ەگىن جيناۋ جۇمىستارىن جۇرگىزۋدەن بۇرىن باستالعانىن اتاپ ءوتۋ ماڭىزدى. بۇل فەرمەرلەرگە تۇقىمدى, تىڭايتقىشتى الدىن الا ساتىپ الۋعا, تەحنيكانى دايىنداۋعا جانە بارلىق قاجەتتى جۇمىستى ساپالى جۇرگىزۋگە مۇمكىندىك بەرەدى. ۇكىمەت قابىلداعان شارالاردىڭ ارقىلى شارۋالار وزدەرىنە بارىنشا قولايلى جاعدايلار بويىنشا جەدەل قارجىلىق قولداۋ الادى.
بۇعان قوسا, قارىزداردى رەسىمدەۋ ءۇشىن دە, ولاردى كەيىننەن وتەۋ ءۇشىن دە جۇگىنۋگە بولاتىن قارجى ينستيتۋتتارىنىڭ سانى ۇلعايدى. قاراجاتقا ەكىنشى دەڭگەيلى بانكتەر, نەسيەلىك سەرىكتەستىكتەر, الەۋمەتتىك-كاسىپكەرلىك كورپوراتسيالار جانە اگرارلىق نەسيە كورپوراتسياسى ارقىلى قول جەتكىزۋگە بولادى.
سونداي-اق كاسىپكەرلەر ءجيى كوتەرەتىن كەپىلمەن قامتاماسىز ەتۋدىڭ جەتىسپەۋشىلىگى ماسەلەلەرىن شەشۋ ءۇشىن «كەڭ دالا 2» باعدارلاماسى بويىنشا قارىز سوماسىنىڭ 85%-ىن «دامۋ» كاسىپكەرلىكتى دامىتۋ قورى كەپىلدىك بەرەدى.
كەڭەس الۋ مەن وتىنىمدەر بەرۋ ءۇشىن «اگرارلىق نەسيە كورپوراتسياسى» اق-نىڭ جاقىن ماڭداعى وڭىرلىك فيليالدارىنا جۇگىنۋ قاجەت. قوسىمشا اقپاراتتى Agrocredit.kz سايتىنان الۋعا بولادى جانە Kcell, Activ, Beeline ابونەنتتەرى ءۇشىن 5353 Call center ءنومىرى, Tele 2, Altel ءۇشىن8 701 006 19 91 تەلەفون ءنومىرى جۇمىس ىستەيدى.