كوپتىڭ قۇرمەتىنە بولەنگەن

«قۇمقۇدىق» سەرىكتەستىگى ايتەكە بي اۋدانىندا 20 مىڭ گەك­تاردان استام جەرگە ارپا, بيداي, كۇنباعىس, كوپجىلدىق ءشوپ ەگەدى. قازىر شارۋا­شىلىق ەڭبەككەرلەرى كۇزگى جيىن-تەرىن جۇمىستارىن ءبىتى­رىپ, استىقتى قام­باعا تاپسىرىپ, دەما­لىسقا شىقتى. مارات شارۋا­شىلىقتا امەريكالىق «Case IH» كومپانياسىنىڭ استىق جيناي­تىن كومباينىن جۇرگىزەدى. بۇل تەحنيكانىڭ ونىمدىلىگى جو­عارى, زاماناۋي تەحنولوگيالارمەن جاب­دىق­­تالعان, كومپيۋتەرمەن باسقارىلادى. «قازىر ءبىزدىڭ شارۋاشىلىقتا ەسكى تەحنيكا جوق, كومباين, تراكتور تۇگەل جاڭارتىلعان. جۇمىس وزى­مىز­گە ۇنايدى, ەڭبەكاقىمىز دا ءتاۋىر, ۋاقتىلى قولعا تيەدى. سەرىكتەستىكتى اۋى­لىمىزدىڭ ازا­ماتى الەكساندر فەدوروۆيچ چەمودانوۆ باسقارادى. ەگىن ورا­عىن كۇزگى مول جاۋىن-شاشىن­عا قاراماستان مەرزىمىن­دە اياق­تادىق. دەگەنمەن الدى­مىز­دان ۇنەمى شىعاتىن ماسە­لە – مەحا­ني­زاتورلاردىڭ جەتىسپەۋ­شى­لىگى. جاستار تراكتور, كومباين جۇرگىزۋگە اسا ق ۇلىقتى ەمەس. ءتىپتى تەحنيكادان قاشادى دەسەم, ارتىق ايتقاندىق بولماس. ولاردىڭ مەكتەپ بىتىرگەننەن كەيىن قالاعا كەتىپ, اۋىلعا قايتىپ كەلمەيتىنى وكىنىشتى», دەيدى ەڭ­بەككەر.

ايتەكە بي اۋدانىنىڭ قۇم­قۇدىق اۋىلىندا 200-دەن استام ءۇي بار. اۋىل تۇرعىندارىنىڭ دەنى ا.چەمودانوۆ باسقاراتىن «قۇمقۇدىق» جشس-ىندا ەڭبەك ەتەدى. وبلىس ورتالىعىنان 400 شاقىرىم جەردەگى اۋىلدىڭ جاع­دايى جاقسى. تۇراقتى جۇمى­سى بولعان سوڭ, ەشكىم سىرتقا كوشىپ كەتپەگەن. سەرىكتەستىكتە جيىرمادان استام مەحانيزاتور بار.

مارات 1987 جىلى قاراشاتاۋ ورتا مەكتەبىن ءبىتىرىپ, جۇرگىزۋشى كۋالىگىن العان سوڭ, ەسكى تراكتوردىڭ رۋلىنە وتىردى. ەسكى كولىك, قۇ­رالدارى دا تاپشى ۋاقىتتا كوپ­پەن بىرگە قيىندىقتى ەڭسەرە ءبىلدى. ەڭبەككە قانىعۋعا جاقسى ۇلگى بولدى. ء«بىزدىڭ قاتا­رىمىز ەڭبەككە ەرتە ارالاستى. 6-سىنىپتى بىتىرگەننەن باستاپ بالالار اۋىلدا بوس جۇرمەي, قىرمانعا, ءشوپ شابۋعا, مال باعۋعا باراتىن. مەن جازدا شوپشىلەرگە بارىپ, بۋىپ-تۇيۋگە كومەكتەسەتىنمىن. سول كەزدەن باس­تاپ, تەحنيكانىڭ ءتىلىن ۇيرەنە بەردىم. ەڭبەككە ەرتە ارالاسقاننىڭ ارقاسىندا مەكتەپ بىتىرگەن سوڭ جۇمىسقا بىردەن الدى. بۇگىندە بالانى قول ەڭبەگىنە ۇيرەتۋ جاعى كەمشىن. سودان اقساۋ­ساق ۇرپاق كوبەيدى. مەنىڭشە, تەحنيكانىڭ ءتىلىن تۇسىنبەگەن سوڭ, جۇمىستان قاشادى», دەيدى مارات بادي ۇلى.

«قۇمقۇدىق» سەرىكتەستىگىنىڭ قىزمەت­كەر­لەرى ەگىن وراعى كەزىن­دەگى جاۋىن-شاشىنعا قارا­ماس­تان, ءونىمدى ىسىراپسىز جيناپ, قوي­ما­لارعا قۇيىپ الدى. اۋىل ەڭبەك­كەرلەرىنىڭ تىنىمسىز تىرلىگى ەرتە كوكتەمنەن باستالىپ, قاراشانىڭ سوڭىنا دەيىن سوزىلادى. قىس بويى كوپشىلىگى دەمالىستا بولعانىمەن, كەيبىرى تىنىم تاپپايدى. اسىرەسە ك-700 كولىگىنىڭ جۇر­­­گىزۋشىلەرى اقتۇتەك بوراندا كولىك جولىن اشادى, القاپتارعا قار توق­تاتۋمەن اينالىسادى.

قاي كەزدە دە جۇمىستىڭ ءساتتى اياقتالۋى اۋەل باستا دۇرىس ۇيىم­داستىرۋعا بايلانىس­تى. وسى جا­عى­نان «قۇمقۇدىق» سەرىك­تەس­تىگىنىڭ ۇلگى الارلىق تۇستارى كوپ. ما­سەلەن, ەگىن وراعى كەزىندە جۇ­مىس تاڭعى ساعات 7.00-دە باستالىپ, كەشكى 21.00-دە اياقتالادى. ەگىس باستالعاندا ەكى اۋىسىممەن جۇمىس ىستەيدى. ءبىرىنشى اۋىسىم تاڭعى 08.00-دە باستالىپ, كەشكى 20.00-گە دەيىن سوزىلسا, تۇنگى اۋىسىم كەشكى 20.00-دە باستالىپ, تاڭعى 08.00-دە اياقتالادى.

قۇمقۇدىقتىڭ ەڭبەككەرلەرى تەحنيكالارىن وزدەرى جوندەپ الادى. ال الدا-جالدا كومپيۋ­تەر­دەن اقاۋ شىقسا, سەرۆيستىك قىز­مەت كورسەتەتىن مامانداردى شا­قىر­تادى. بۇل دا وڭاي ەمەس. سەبە­بى قۇمقۇدىق اقتوبە قالا­سى­نان 400 شاقىرىم قاشىق­تىقتا ورنا­لاس­قان.

ارپا, بيداي, كۇنباعىسپەن بىرگە استىق تۇقىمداس قۇنارلى مال ازىقتارىن كوپتەپ ءوسىرىپ جاتقان شارۋاشىلىقتىڭ الدا­عى كۇنگە جوسپارى كوپ. قارا­شاتاۋدان تۇلەپ ۇشقان ەڭبەككەر مارات اۋىلداردىڭ كوركەيۋى ادام­دارعا بايلانىستى دەيدى. ءاربىر ادام تۋعان جەرىندە ادال ەڭبەك ەتسە, جۇمىستى دۇرىس ۇيىم­داس­تىرا بىلسە, ەلدىڭ داۋلەتى ارتادى. مۇنىڭ ءبىر جولى – جاستاردى اۋىلعا تارتۋ ارقىلى جۇ­مىس ورىندارىن كوپتەپ اشۋ. ادال ەڭبە­گىمەن كوپتىڭ قۇرمەتىنە بولەن­گەن مەحانيزاتور تالاپتى جاستى كومباين جۇرگىزۋگە ۇيرە­تۋ­دەن قاشپايدى.

اقتوبە وبلىسى