استانا. 31 قاڭتار. بۇگىن اۆستراليانىڭ سيدنەي قالاسىندا ازيا كۋبوگى مارەگە جەتتى. فينالدىق ماتچتا اۆستراليا قۇراماسى وڭتۇستىك كورەيا كومانداسىن ۇتىپ, ازيا كۋبوگىنىڭ جەڭىمپازى اتاندى. بۇل تۋرالى ras.kz حابارلادى.
كەزدەسۋ «ەي-ەن-زەت» وليمپيالىق ستاديونىندا ءوتتى. الاڭ يەلەرى ءبىرىنشى تايمنىڭ سوڭىندا ماسسيمو لۋونگونىڭ ءدال سوققىسى ارقىلى ەسەپ اشتى. الايدا, كورەيلەر ويىننان كەيىن قوسىلعان ءبىرىنشى قوسىمشا مينۋتتا سون حيۋن ءميننىڭ كۇش سالۋىمەن تارازى باسىن تەڭگەردى. ال قوسىمشا تايمدا اۆستراليالىقتارعا جەڭىس دوبىن سوعۋدىڭ ورايى كەلدى. ونى دجەيمس ترويزي قاقپاعا جونەلتتى.
اۆستراليا قۇراماسى ءبىرىنشى رەت ازيا كۋبوگى ءتۋرنيرىنىڭ جەڭىمپازى اتانىپ وتىر. بۇعان قوسا, بۇل ەلدىڭ تەرمە جاماعاتى ەكى بىردەي كونفەدەراتسيانىڭ باس كۋبوگىن جەڭىپ العان ءبىرىنشى جاساق بولدى. بۇعان دەيىن «سوككەرۋز» وكەانيا ۇلتتار كۋبوگى تۋرنيرىنە قاتىسىپ, ونى 4 رەت جەڭىپ العان ەدى. بۇلاردىڭ ساپىنداعى شابۋىلشى تيم كەحيلل مەن جارتىلاي قورعاۋشى ماركو برەشيانو ەكى كۋبوكتى دا جەڭىپ العان ويىنشىلار بولىپ وتىر.
مۇنىڭ الدىندا, كەشە بىرىككەن اراب امىرلىگىنىڭ قۇراماسى ءۇشىنشى ورىن ءۇشىن تالاستا يراك كومانداسىمەن كەزدەسىپ, ونى 3:2 ەتىپ جەڭگەن ەدى.
دامير قوجامقۇل.
دەرەك: ras.kz.
فوتو: چەمپيونات.رۋ.
ازيا كۋبوگى. فينال
وڭتۇستىك كورەيا – اۆستراليا 1:2 (نەگىزگى ۋاقىت – 1:1)
گولدار: لۋونگو, 45, مين 90+1, ترويزي, 105.