الداعى جۇما, 29 قاراشا كۇنى قازاقستاننىڭ بارلىق اۋماعىندا تەلەراديو ارنالاردى رەترانسلياتسيالاۋ ۋاقىتشا توقتاتىلادى, دەپ حابارلايدى Egemen.kz.
قازتەلەراديو حابارلاعانداي, ۇزدىكسىز جانە ساپالى تەلەراديو حابارلارىن تاراتۋدى قامتاماسىز ەتۋ ماقساتىندا سپۋتنيكتىك, تسيفرلىق جانە انالوگتىق جەرۇستى جەلىلەرىنىڭ تەحنيكالىق قۇرالدارى بويىنشا قىزمەتتەردى جابۋمەن جوسپارلى پروفيلاكتيكالىق جۇمىستار توقسان سايىن جۇرگىزىلەدى.
«2024 جىلعى 29 قاراشادا ساعات 03:00-دەن 17:00-گە دەيىن سپۋتنيكتىك, تسيفرلىق جانە انالوگتىق جەرۇستى جەلىلەرىنىڭ تەحنيكالىق قۇرالدارى بويىنشا قىزمەتتەردى جابۋمەن جوسپارلى پروفيلاكتيكالىق جۇمىستار جۇرگىزىلەدى. قازاقستاننىڭ بۇكىل اۋماعىندا تەلە جانە راديوارنالاردى رەترانسلياتسيالاۋ توقتاتىلادى», دەلىنگەن حابارلامادا.
ەستەرىڭىزگە سالا كەتەيىك, بۇعان دەيىن جوسپارلى جوندەۋ جۇمىستارى 21 قاراشادا جۇرگىزىلگەن ەدى.