اتىراۋ وبلىسى اكىمىنىڭ ءباسپاسوز حاتشىسى رۋسلان جۇماعازيەۆتىڭ حابارلاۋىنشا, 20 قاراشادا «اسىل-اگرو» شارۋا قوجالىعىنىڭ مال سويۋ پۋنكتى اۋماعىنا كارانتين ەنگىزىلگەن. بۇعان ءولى سيىردان ءسىبىر جاراسى بەلگىلەرىنىڭ انىقتالۋى سەبەپ بولعان, دەپ حابارلايدى Egemen.kz.
«لابوراتوريالىق تالداۋ مال سويۋ تسەحىنداعى جۇمىسشىلاردىڭ بىرىندە تەرى ءسىبىر جاراسى دياگنوزىن راستادى. ول اۋرۋحانادا جاتىر, جاعدايى تۇراقتى, مەديتسينالىق حاتتاماعا سايكەس ەمدەلىپ جاتىر. باسقا جۇمىسشىلاردا اۋرۋ تىركەلگەن جوق», دەدى ر.جۇماعازيەۆ.
ونىڭ ايتۋىنشا, ينفەكتسيا وشاعىندا سانيتارلىق-ۆەتەرينارلىق نورمالارعا سايكەس جۇمىستار جالعاسىپ جاتىر.
«ۆەتەرينارلىق قىزمەتتەر كارانتيندىك اۋماقتا بارلىق جانۋاردى ۆاكتسيناتسيالاۋدى اياقتاپ, دەزينفەكتسيا جۇرگىزىپ جاتىر. ءىرى قارانىڭ يمپورتىن باقىلاۋ ءۇشىن اتىراۋ وبلىسىندا ءتورت پوليتسيا جانە ۆەتەرينارلىق باقىلاۋ بەكەتى قۇرىلدى. ەگۋلەردى, جانۋارلاردىڭ جاي-كۇيىن راستايتىن قۇجاتتار تەكسەرىلەدى جانە تەرمومەتريا جۇرگىزىلەدى. سونداي-اق قالانىڭ مال سويۋ پۋنكتتەرىندە وسىنداي شارالار قابىلداندى», دەپ حابارلادى رۋسلان جۇماعازيەۆ.
ەستەرىڭىزگە سالا كەتەيىك, ۆەتەريناريالىق قۇجاتسىز مالدى تاسىمالداۋعا جانە سويۋعا قاتاڭ تىيىم سالىنادى.