قانشا قازاق تاريحي وتانىنا ورالدى

1991 جىلدان بەرى رەسپۋبليكاعا 1 ميلليون 144,9 مىڭ ەتنيكالىق قازاق ورالعان. 2024 جىلى 16 535 ەتنيكالىق قازاق تاريحي وتانىمەن تابىسىپ, قانداس مارتەبەسىن العان.

«جىل باسىنان بەرى قازاقستانعا كەلگەن قانداستاردىڭ 45,9 پايىزى قىتايدان, 39,2 پايىزى – وزبەكستاننان, 5,8 پايىزى – موڭعوليادان, 5,2 پايىزى – تۇرىكمەنستاننان, 2,8 پايىزى – رەسەيدەن جانە 1,1 پايىزى باسقا ەلدەردەن»,  دەلىنگەن حابارلامادا.

1 قاراشاداعى جاعداي بويىنشا, ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 57,4 پايىزدى, ەڭبەككە قابىلەتتى جاس مولشەرىنەن كىشى 33,2 پايىزدى, ال زەينەتكەرلەر 9,4 پايىزدى قۇراعان.

«ەڭبەككە قابىلەتتى جاستاعىلار بويىنشا 17,8 پايىزى جوعارى ءبىلىمدى, 24,8 پايىزى ورتا كاسىبي ءبىلىمدى, 54,4 پايىزى جالپى ورتا ءبىلىمدى, ال 3 پايىزىنىڭ ارنايى ءبىلىمى جوق», دەلىنگەن.

قانداستاردى قونىستاندىرۋ ءۇشىن ەڭبەك كۇشى تاپشى وڭىرلەر انىقتالعان, ولار: اقمولا, اباي, قوستاناي, پاۆلودار, شىعىس جانە سولتۇستىك قازاقستان وبلىستارى.

قونىستاندىرۋ وڭىرلەرىندە 2024 جىلعا ارنالعان قانداستاردى قابىلداۋ كۆوتاسى – 3 033 ادام. 2024 جىلعى 1 قاراشاداعى جاعداي بويىنشا  2 841 قانداس قونىس اۋدارعان.