سولتۇستىك قازاقستان وبلىسىنىڭ اققايىڭ اۋدانىنداعى دايىندىق اۋىلىنىڭ تۇرعىندارى ەكى جىل بۇرىن ىشىمدىكتەن تولىعىمەن باس تارتقان, دەپ حابارلايدى Egemen.kz.
جەرگىلىكتى پوليتسيا مەن تۇرعىنداردىڭ ايتۋىنشا, سودان بەرى مۇندا بىردە-ءبىر اۋىر نەمەسە اسا اۋىر قىلمىس تىركەلمەگەن, ۇرلىق پەن وتباسىلىق جانجالدار دا جوق.
مۇنداعى حالىقتى جەرگىلىكتى «دايىندىق» جاۋاپكەرشىلىگى شەكتەۋلى سەرىكتەستىگى جۇمىسپەن قامتىپ وتىرعانىن ايتا كەتۋ كەرەك. ونىڭ ديرەكتورى ءبىرجان شايمەردەنوۆ - ىشىمدىكتەن باس تارتۋدى ۇسىنعان باستاماشىلاردىڭ ءبىرى.