شىعىس قازاقستان وبلىسىنا جۇمىس ساپارى اياسىندا پرەمەر-ءمينيستردىڭ ورىنباسارى تامارا دۇيسەنوۆا وڭىردەگى الەۋمەتتىك نىسانداردى ارالاپ, سالا ماماندارىمەن كەزدەستى. كەزدەسۋ بارىسىندا دەنساۋلىق ساقتاۋ مەن ءبىلىم سالاسىن جاڭعىرتۋ, سپورتتىق ينفراقۇرىلىمدى دامىتۋ ماسەلەلەرىنە باسا نازار اۋدارىلدى.
ۆيتسە-پرەمەر ريددەر قالاسىنىڭ تۇرعىندارى ءۇشىن كوپتەن كۇتكەن جوبا كوپسالالى اۋرۋحانا كەشەنىنىڭ قۇرىلىس بارىسىمەن تانىستى. قۇرىلىستى قارجىلاندىرۋ تولىعىمەن قامتاماسىز ەتىلدى, مەملەكەت باسشىسىنىڭ تاپسىرماسى بويىنشا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ شەڭبەرىندە قايتارىلعان قاراجاتتان 28,2 ملرد تەڭگە ءبولىندى. بۇل شەشىم جەرگىلىكتى تۇرعىنداردى ەرەكشە قۋانتتى.
مەردىگەر ۇيىمداردىڭ وكىلدەرى قازىرگى ۋاقىتتا ءساتتى شەشىلگەن قارجىلىق قيىندىقتارعا قاراماستان, نىسانداعى قۇرىلىس جۇمىستارى ءۇزىلىسسىز جالعاسقانىن ايتتى.
مەملەكەت باسشىسى دەنساۋلىق ساقتاۋ سالاسىنا ەرەكشە كوڭىل بولەدى. اۋرۋحانا كەشەنىنىڭ قۇرىلىسىن اياقتاۋعا قارجى قاراستىرىلدى. ەندى جەرگىلىكتى اكىمدىك جۇمىستىڭ ساپالى جۇرگىزىلۋىن قاداعالاۋى كەرەك. نىسان مەديتسينالىق قىزمەت ساپاسىن ارتتىرۋعا ىقپال ەتەتىنى ءسوزسىز. وندا بىلىكتى مامانداردى جۇمىلدىرۋ قاجەت», دەپ اتاپ ءوتتى ت.دۇيسەنوۆا.
مەديتسينالىق قاۋىمداستىق وكىلدەرىمەن وتكەن كەڭەستە ءوڭىردىڭ دەنساۋلىق ساقتاۋ جۇيەسىن دامىتۋ ماسەلەلەرى تالقىلاندى. كەزدەسۋدە قازىرگى كورسەتكىشتەر مەن قول جەتكىزىلگەن ناتيجەلەرگە تالداۋ جۇرگىزىلدى. ۆيتسە-پرەمەر اۋرۋدى ەرتە دياگنوستيكالاۋدىڭ جوعارى ساپاسىن قامتاماسىز ەتۋدىڭ ماڭىزىنا توقتالدى. مىندەتتى مەديتسينالىق ساقتاندىرۋ جۇيەسىنە ەنگىزىلگەن ازاماتتار ءۇشىن مەديتسينالىق قىزمەتتەردىڭ قولجەتىمدى بولۋىن قامتاماسىز ەتۋگە ەرەكشە نازار اۋدارىلدى.
ساپار اياسىندا پرەمەر-ءمينيستردىڭ ورىنباسارى تاعى ءبىر ماڭىزدى نىسان – ەلىمىزدەگى قىسقى سپورت تۇرلەرى بويىنشا وليمپيادالىق رەزەرۆتىڭ جالعىز رەسپۋبليكالىق مامانداندىرىلعان مەكتەپ-ينتەرناتىنا باردى. بۇل – 250 وقۋشىعا ارنالعان بىرەگەي وقۋ ورنى. مۇندا سپورتشىلاردى دايارلاۋمەن 179 بىلىكتى مامان اينالىسادى. مەكتەپ-ينتەرناتتىڭ جۇمىسىمەن تانىسقان ت.دۇيسەنوۆا سپورت ۇيىمدارىنىڭ وڭىرلىك باسشىلارىمەن كەڭەس وتكىزدى. كەزدەسۋ بارىسىندا سپورت سالاسىن دامىتۋداعى الداعى وزگەرىستەر تالقىلاندى.
تۋريزم جانە سپورت ۆيتسە-ءمينيسترى سەرىك جاراسباەۆ قازىر پارلامەنت قابىرعاسىندا قاراستىرىلىپ جاتقان سالالىق زاڭداعى نەگىزگى تارماقتار تۋرالى باياندادى. ونىڭ ىشىندە باسىم سپورت تۇرلەرىن دامىتۋ, سالانى باسقارۋ ءادىسى, تسيفرلاندىرۋ جانە بالالار مەن جاسوسپىرىمدەر سپورت مەكتەپتەرىندەگى قارجىلاندىرۋ سەكىلدى بىرقاتار ماسەلە قامتىلعان.
–ۆيتسە-مينيستر رەفورمالار سپورتتىق جەتىستىكتەردى ارتتىرۋ, قارجىلىق اشىقتىقتى قامتاماسىز ەتۋ جانە جاتتىقتىرۋشىلار قۇرامىنىڭ جالاقىسىن ۇلعايتۋ ءۇشىن رەسۋرستاردى شوعىرلاندىرۋعا باعىتتالعانىن اتاپ ءوتتى.
سونىمەن قاتار ت.دۇيسەنوۆا «اۋىل اماناتى» باعدارلاماسىنا قاتىسۋشىلار ۇسىنعان ونىمدەر كورمەسىنە باردى. وندا ازىق-ت ۇلىك, جەڭىل ونەركاسىپ ونىمدەرى, قولونەر بۇيىمدارى قويىلدى. 2,5%-دىق ۇستەمەمەن قارىز العان ازاماتتار باعدارلامانىڭ وتە ءتيىمدى ەكەنىن ايتۋدا. كورمە «التاي» كوتەرمە-تاراتۋ ورتالىعىنىڭ اۋماعىندا ۇيىمداستىرىلدى. نىسان قۇرىلىسىنىڭ ءبىرىنشى كەزەڭى اياقتالىپ, كولەمى 18 مىڭ تونناعا دەيىن كوكونىس ساقتاي الاتىن قويما جۇمىس ىستەۋدە. جاقىن ارادا مۇندا ساۋدا جانە جارمەڭكە الاڭى ىسكە قوسىلادى.
ۆيتسە-پرەمەر ورتالىقتىڭ جۇمىسىن وڭ باعالادى, ال وبلىس اكىمدىگى جەرگىلىكتى وندىرۋشىلەردى كەشەندى قولداۋدىڭ ماڭىزىن اتاپ ءوتتى.
شىعىس قازاقستان تۇرعىندارى ءۇشىن وندىرىلەتىن ءونىمدى وتكىزۋدىڭ جاڭا مۇمكىندىگى پايدا بولدى: وڭىردەگى ەڭ ءىرى كاسىپورىنداردىڭ ءبىرى «كازتسينك» جەرگىلىكتى اۋىل شارۋاشىلىعى تاۋارىن وندىرۋشىلەردەن ازىق-ت ۇلىك ساتىپ الۋ كولەمىن ۇلعايتادى. وسى ماقساتتا وبلىس اكىمدىگى مەن كاسىپورىن اراسىندا مەموراندۋمعا قول قويىلدى. «كازتسينك» بۇل ماقساتقا ەلىمىزدەگى بارلىق فيليالدارى ءۇشىن 800 ملن تەڭگە بولەدى.
ايماقتا «اۋىل اماناتى» اياسىندا وزگە دە كاسىپ تۇرلەرى قولعا الىنعان. ماسەلەن, گلۋبوكوە اۋدانىنداعى ناتاليا سۆاحينا ەكوتۋريزم باعىتىن تاڭداعان. شاعىن نەسيە ارقاسىندا ورماندى اۋماقتا دەمالىس ءۇيىن تۇرعىزىپتى. مۇندا دەمالۋشىلار تازا اۋامەن تىنىستاپ قانا قويماي, ەكوفەرمادان شىققان تابيعي تازا ونىمدەردى تۇتىنا الادى. جوبا اياسىندا 3 ادام جۇمىسپەن قامتىلىپ, تۇراقتى تابىس تاۋىپ وتىر.
پرەمەر-ءمينيستردىڭ ورىنباسارى تامارا دۇيسەنوۆا وبلىس اكىمى ەرمەك كوشەرباەۆتىڭ جانە اۋداندار مەن اۋىلدىق وكرۋگتەردىڭ اكىمدەرىنىڭ قاتىسۋىمەن كەڭەس وتكىزدى. مەملەكەتتىك باعدارلامالاردى ىسكە اسىرۋ ارقىلى حالىقتىڭ تابىسىن ارتتىرۋ ماسەلەلەرىنە باستى نازار اۋدارىلدى. سونىمەن قاتار كەزدەسۋدە وسى باعىتتاعى باسقا وڭىرلەردىڭ تابىستى تاجىريبەلەرى تالقىلاندى. ۆيتسە-پرەمەر وبلىس اكىمدىگىنە مەملەكەت باسشىسى قويعان مىندەتتەردىڭ ساپالى ءارى ۋاقتىلى ورىندالۋىن قامتاماسىز ەتۋ ءۇشىن قاجەتتى شارالار قابىلداۋدى تاپسىردى.
سونداي-اق ساپار اياسىندا ت.دۇيسەنوۆا وڭىردەگى ءبىلىم بەرۋ نىساندارىنىڭ جۇمىسىمەن تانىسىپ, مەملەكەت باسشىسى تاپسىرمالارىنىڭ ورىندالۋ بارىسىن تەكسەردى. ايماق باسشىسى ەرمەك كوشەرباەۆپەن بىرگە سالا وكىلدەرىنىڭ قاتىسۋىمەن كەڭەس وتكىزدى.