بۇل تۋرالى سۋ جانە يرريگاتسيا مينيسترلىگىنىڭ ءباسپاسوز قىزمەتى ءمالىم قىلدى, دەپ حابارلايدى Egemen.kz.
تەكسەرۋ ناتيجەسىندە گيدروتەحنيكالىق قۇرىلىستاردىڭ يەلەرىنە انىقتالعان كەمشىلىكتەردى جويۋ بويىنشا ۇسىنىستار بەرىلدى. ايتا كەتسەك, ەلدە 8 باسسەيندىك ينسپەكتسيا بار, اتاپ ايتقاندا, ارال-سىرداريا, بالقاش-الاكول, ەرتىس, ەسىل, جايىق-كاسپي, نۇرا-سارىسۋ, توبىل-تورعاي, شۋ-تالاس باسسەيندىك ينسپەكتسيالارى.
«بارلىق سۋ قويمالارى بەكىتىلگەن كەستە بويىنشا جۇمىس ىستەيدى, جوسپار سۋ تاسقىنىنا قاتىستى بولجامدارعا بايلانىستى تۇزەتىلەتىن بولادى. كوكتەمگى سۋ تاسقىنى كەزىندە ەرىگەن قار سۋىن قابىلداۋعا بوس ورىندى قامتاماسىز ەتۋ ءۇشىن ەلدىڭ سولتۇستىك, باتىس, شىعىس, ورتالىق سۋ قويمالارىنان سۋ جىبەرىلدى. قازاقستاننىڭ وڭتۇستىگىندەگى سۋ قويمالارى سۋ جيناۋ رەجيمىندە جۇمىسىن جالعاستىرىپ جاتىر», دەپ مالىمدەدى سۋ رەسۋرستارىن رەتتەۋ, قورعاۋ جانە پايدالانۋ كوميتەتى توراعاسىنىڭ مىندەتىن اتقارۋشى گۇلميرا يماشەۆا.