كەلەسى جىلى وتەتىن فۋتبولدان ەۋروپا چەمپيوناتىنا ىرىكتەۋ اياسىنداعى العاشقى ماتچتا 19 جاسقا دەيىنگى ەلىمىزدىڭجاستار قۇراماسى ۋكراينا جاستارىن 2:1 ەسەبىمەن جەڭدى.
9-مينۋتتا قۇرامانىڭ جارتىلاي قورعاۋشىسى تەمىرلان اعمانوۆ ەسەپ اشىپ, 35-مينۋتتا ەكىنشى گولىن سوقتى. 61-مينۋتتا ەلدار مەڭدىعاليەۆ ەرەجە بۇزىپ, ۋكراينا قۇراماسىنىڭ قورعاۋشىسى ماكسيم كوروبوۆ پەنالتيدەن گول سالدى.
جاستار قۇراماسىنىڭ اعا باپكەرى الەكساندر كۋزنەتسوۆ شاكىرتتەرىنىڭ سەنىمدى اقتاعانىنا رازىلىعىن ءبىلدىردى.
«بارشا جانكۇيەردى كەلەسى جىلى وتەتىن ەۋروپا چەمپيوناتىنا ىرىكتەۋ كەزەڭىندەگى العاشقى جەڭىسىمىزبەن قۇتتىقتايمىن. جاستار جارادى, بارىن سالىپ وينادى. قاقپامىزعا تورەشىنىڭ پەنالتي بەلگىلەگەنى تۇسىنىكسىزدەۋ بولدى, بىراق ولاردىڭ شەشىمىنە ەشقانداي ءۋاج ايتپايمىز. بىزگە بوساڭسۋعا ءالى ەرتە, الدا ماڭىزدى ماتچتار بار. جىگىتتەر كوماندالىق ويىننىڭ ناعىز ۇلگىسىن كورسەتتى. قارىمتا شابۋىلدى ورىستەتۋ, قورعانىستا قاتەلىككە ۇرىنباۋ, ويىنشىلاردىڭ قاجىر-قايراتى, جەڭىسكە دەگەن جىگەرى قۋانتادى», دەدى اعا باپكەر. وكىنىشكە قاراي, جاستار نيدەرلاند قۇراماسىنا 2.0 ەسەبىمەن ەسە جىبەردى. ەندى سلوۆەنيا جاستارىنا قارسى وينايدى. جاستاردان ءالى دە ءۇمىت كۇتەمىز.